Jake nag-audition sa US, susubok sa Hollywood
Hindi nabanggit sa amin ni Neil De Guia, manager ni Jake Cuenca kung anong show at saan nag-audition ang aktor noong nasa New York City ito para mag-aral ng acting.
Sa nakaraang presscon ng Pasion de Amor ay nakatabi namin sa upuan si Neil at tinanong namin kung sinubukan ni Jake mag-audition sa New York tulad ng ginagawa ng ibang artista.
“Oo, nag-audition siya, marami, eh. Hindi ko matandaan, basta marami, okay naman,” say ng manager ni Jake sa amin.
Tinanong namin kung sinong agent ni Jake sa US, “Marami sila, hindi ko nga tanda, basta nagustuhan siya, di ba nga nagka-award siya.
Babalik pa siya, kasi dapat magtatagal siya roon, e, may Pasion de Amor kaya kailangan niyang bumalik dito,” paliwanag ni Neil sa amin.
Magaling umarte si Jake kaya hindi nakakapagtaka kung matanggap siya sa US at higit sa lahat, willing siyang gawin anumang klase ng role.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.