Umaming wala siyang laban pagdating sa dramahan
DEDMA lang si Paulo Avelino sa mga kumukuwestiyon sa pagkakapanalo niya bilang Best Actor sa nakaraang Gawad Urian Awards para sa indie movie na “Ang Sayaw Dalawang Kaliwang Paa” kung saan nakasama niya ang Kapuso actor na si Rocco Nacino at si Jean Garcia.
May mga nagsasabi kasi na hindi raw pang-best actor ang acting ni Paulo sa nasabing pelikula, mas deserving daw manalo ang ibang nakalaban niya sa nasabing kategorya.
Pero para nga kay Paulo, mas mahalaga ang pagkilala na ibinigay sa kanya ng mga manunuri ng Gawad Urian, unang-una hindi nga naman niya hiningi o binili ang nasabing award, at pangalawa naniniwala siya na hindi niya mapi-please ang lahat ng tao.
In fairness, mula nga nang lumipat si Paulo sa ABS ay nagsunud-sunod na ang swerte niya.Bukod sa mga pelikulang ginagawa niya, winner na winner din ang teleseryeng kinabibilangan niya sa Dos, ang number one primetime series sa buong Pilipinas na Walang Hanggan.
Kilalang-kilala na si Paulo ngayon bilang si Nathan sa nasabing serye kung saan nakikipagtagisan siya ng galing sa pag-arte kina Coco Martin, Richard Gomez, Dawn Zulueta, Julia Montes, Susan Roces at Helen Gamboa.
Marami ang nagsasabi na napakalaki ng improvement sa acting niya dahil nahasa nga siya nang todo sa Walang Hanggan.
“Gusto ko lang magpasalamat sa lahat ng tumatangkilik at sumusubaybay sa Walang Hanggan.
Dahil sa inyo lalo kaming inspirado para gandahan pa ‘yung istorya at performance namin,” ani Paulo.
Tatagal pa raw ang Walang Hanggan hanggang October at abangan ang pag-eksena ni Eula Valdez sa serye na sinasabing siyang papalit kay Rita Avila na kusang umalis sa programa dahil sa kanyang sakit.
Gusto ring linawin ni Paulo ang chika na may namamagitang tensiyon sa pagitan nila ni Coco, “Nasabi ko dati na isa si Coco sa mga hinahangaan at iniidolo ko, idol ko talaga siya.
Kayang walang issue sa amin.
Magandang ang working relationship namin sa Walang Hanggan.”
At aminado rin siya na mas magaling na aktor sa kanya si Coco kaya saludo siya rito.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.