Pia Wurtzbach, P-Noy tuloy ang ‘RELASYON’; nagpapalitan pa rin ng mga text message

INAMIN ni Miss Universe Philippines 2015 Pia Wurtzbach na nagpapalitan pa rin sila ng text message ni Pangulong Noynoy Aquino pero agad niyang dinenay ang balita na lagi silang nagde-date.

Sey ni Pia sa isang panayam, “Hindi ko siya masyadong nakikita. Actually, very busy kami, very busy din siya. Pero ganu’n pa rin naman.” Halatang naiilang ang beauty queen-actress kapag napag-uusapan si P-Noy pero tina-try pa rin niyang maging cool at marespeto sa press.

Nang tanungin nga siya sa isang event kung ano ang feeling kapag iniintriga sila ng brother ni Kris Aquinon, super iwas ito sa issue, “Siyempre, parang I think…na the reason why I’m here is because of Miss U.

“And it’s really quite a challenge to answer the question regarding him when all I’m trying to do is focus on the pageant and show everybody na yun talaga ang focus ko ngayon, yun ang priority ko.

“My supporters don’t have to worry me getting distracted, kasi yun lang naman ang nasa isip ko,” chika pa ni Pia kasabay ng pagsasabing mas naging busy pa siya ngayon dahil sa ginagawa niyang preparasyon sa paglaban niya sa Miss Universe 2015.

At sa tanong nga kung tine-text pa rin siya ng pangulo ng bansa, “Minsan,” ang maikling sagot ng beauty queen. E, kailan ba huling nag-text si P-Noy sa kanya, “Ay, ano ba ‘yan! Ano, kanina lang. Kanina.”

Pero mabilis na sinabi ni Pia na talagang friends lang sila ni Noynoy, “Magkaibigan. Yun lang naman talaga yun.” Kung lumalabas man daw sila, “Well, always with a group of people, always with the other people, always with friends.”

“I feel like, magkaibigan lang po kasi talaga kami, parang nilalagyan ng…kasi kung meron man, I think other people would know. I don’t think he would be the type to keep it a secret,” pahabol pa ng dalaga.