Cebuana Lhuillier, Jumbo Plastic magpapakatatag sa top two spots
Mga Laro Ngayon
(The Arena)
1 p.m. Cagayan Valley vs Jumbo Plastic
3 p.m. Cebuana Lhuillier vs Tanduay Light
Team Standings: Cebuana Lhuillier (3-0); Jumbo Plastic (2-1); Café France (2-1); Hapee (2-1); AMA University (2-2); KeraMix (2-2); Cagayan Valley (1-2); Tanduay Light
(1-2); Liver Marin (1-3); MP Hotel (1-3)
MANATILING nasa unang dalawang puwesto ang balak ng Cebuana Lhuillier Gems at Jumbo Plastic Giants sa pagharap sa magkahiwalay na laro sa 2015 PBA D-League Foundation Cup ngayon sa The Arena sa San Juan City.
Kalaro ng Giants ang Cagayan Valley Rising Suns sa ganap na ala-1 ng hapon habang kasukatan ng Gems ang Tanduay Light Rhum Masters dakong alas-3 ng hapon.
Hindi pa natatalo matapos ang tatlong laro ang Gems habang ang Giants ay nakasalo ang Café France Bakers at Hapee Fresh Fighters sa 2-1 karta para sa pangalawang puwesto.
Huling naglaro ang Gems ay noon pang Marso 26 laban sa KeraMix Mixers na kanilang tinalo, 95-88. Inaasahang naghanda nang husto ang Gems dahil ang Rhum Masters ay magnanais na putulin ang dalawang sunod na pagkatalo para makabangon mula sa inookupahang ikapitong puwesto.
May 1-2 baraha ang Rhum Masters at kasalo ngayon ang Rising Suns na dalawang beses ding natalo sa unang tatlong laro para magpursigi rin na magwagi sa Giants.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.