NAGDUDUDA si World Boxing Organization president Francisco “Paco” Valcarcel na mangyayari ang pagsasagupa sa boxing ring nina Manny Pacquiao at Floyd Mayweather Jr. sa Mayo.
Ang maraming detalye na dapat pang pagkasunduan ng magkabilang kampo ang itinuturo niyang dahilan at balakid para maunsiyami ang isinasagawang negosasyon.
“You have too much stuff all around the board that have to be agreed too; Showtime, HBO, promoters and all kinds of things,” wika ni Valcarcel sa panayam ng Fighthype.com.
Kahit ang mga nababasang panulat tungkol sa laban ay tila hudyat na malabong mangyari sa lalong madaling panahon ang pinakasasabikang boxing fight.
Si Pacquiao ay kampeon ng WBO welterweight division at sinabi na nitong payag siya sa lahat ng kondisyon na ilalatag ni Mayweather na kampeon naman ng World Boxing Council.
Pero hanggang ngayon ay hindi pa rin magkasundo sa isang kontrata ang dalawang kampo.“People want to see Mayweather and Pacquiao and I want to see Mayweather and Pacquiao, but again, like I tell you before, I got my doubt that that fight is going to happen.
You got too much stuff there to come to terms and agree to and it’s not easy when you’re dealing with two, three, four, five, six and seven parts; not easy…not easy,” ani pa ng WBO official.
Unang sinabi na sa katapusan ng Enero ay magkakaroon na ng anunsyo patungkol sa laban ngunit mangangalahati na ang buwan ng Pebrero pero wala pang linaw kung mangyayari ba o hindi ang bakbakan.
Sa Mayo 2 itinakda ang kanilang laban sa Las Vegas. Sakaling matuloy nga ang naturang laban ay kailangang magkasundo sila sa buwang ito para may panahon pa ang magkabilang kampo na makapaghanda sa pinakaaabangang sagupaan ng dalawang kampeon.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.