Naghahanap ng mapapangasawa

Sulat mula kay Charinah ng Diaz Subdivision,Lagao, Gen San City

 Dear Sir Greenfield,

Sa edad kong 36 nararamdaman kong nagkakaedad na ako pero until now wala pa akong stable na relationship. Wala akong seryosong boyfriend kaya nais ko sanang patignan sa inyo ang aking kapalaran kung kailan ako magkaka-boyfriend ng seryoso at totohanan. Sa limang magkakapatid nagkataong ako pa ang panganay, ako na lang ang walang asawa. Kaya kung ako lang ang masusunod gusto ko na sanang mag-asawa. Kailan kaya ako makapag-aasawa at pag nakapag-asawa ako magiging maligaya kaya ang papasukin naming pamilya? December 16, 1978 ang birthday ko.

Umaasa,
Charinah ng Gen San City
Solusyon/Analysis:
Palmistry:

Buti na lang kahit 36 na ang iyong edad, kinakitaan pa rin ng malinaw na Marriage Line (Illustration 1. arrow 1.) ang iyong palad. Ibig sabihin, basta’t natuto kang maghintay, ang takdang panahong inilaan ng kapalaran, kusa ka ring makapag-aasawa at magkakaron ng isang masaya at pang habambuhay na pamilya.

Cartomancy:

Seven of Hearts, Three of Hearts at King of Clubs ang lumabas (Illustration 1.). Ang mga baraha ang nagsasabing sa buwan ng Marso may isang lalaking darating na halos kasing tanda mo rin, liligawan ka nya at pagsapit ng buwan ng Hulyo, tiyak ang magaganap sa taon ding ito ng 2015 magkaka-boyfriend ka nang totohanan at seryoso.
Itutuloy…