Kabaong babala sa motoristang dumaraan sa Benguet-Nueva Vizcaya Road
VIRAL ngayon sa social media ang isang puting kabaong na nakatirik sa gilid ng Benguet-Nueva Vizcaya Road.
Ito ang naisipang gamitin ng local government ng naturang mga probinsya para magsilbing babala sa mga motorista.
Makikita sa naturang lugar ang kabaong sa gilid ng highway na may road signage kung saan nakasulat ang mga katagang, “PAALALA: Mr. Driver…Ang mamatay o mabuhay ng dahil sa iyo.”
“Ingatan ang nag-iisang buhay, magmaneho ng mahusay,” ang mababasa pa sa karatula.
Sa Facebook post ni Ambuklao Punong Barangay Rey Tello, umaasa silang magsisilbing gabay at paalala ang naturang signage sa lahat mga motorista sa kahalagahan ng road safety.
“We sincerely ask everyone to take it positively.This is not intended to offend, frighten, and disrespect anyone.
“Rather, it is a symbolic reminder of the importance of road safety and the consequences that can result from reckless driving,” ang pahayag ni Tello.
“Let this serve as a call for all motorists and commuters to exercise caution, obey traffic rules and value every life on the road,” paalala pa ng opisyal.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.