Sorry na lang LJ: JC dedma lang sa Valentine

MASAYANG ibinalita ni JC de Vera sa amin na puspusan na ang pagti-taping niya para sa bago niyang teleserye sa Kapamilya network kasama sina Richard Gomez at Dawn Zulueta, ang Will Never Say Goodbye.

Nakatsikahan namin si JC after ng premiere night ng movie nila nina Gerald Anderson at Julia Montes na showing na ngayon, ang “Halik sa Hangin.”

Nasa third week na raw sila ng script at mala-Maalaala Mo Kaya  ang sinu-shoot nila. Hindi sure ni JC kung kailan ito eere, although, malamang daw sa first quarter ng taong ‘to.

Pinatunayan lang nito na ‘di true ang tsikang nakarating sa amin na ayaw daw muna niyang gumawa ng teleserye when he is offered to be a part ng cast ng Flor de Liza.

During that time, dalawang pelikula ang sabay na ginagawa ni JC noong alukin siya para sa Flor de Liza. “Ah, hindi po siya nakarating sa akin.

Eto talaga ‘yung ginagawa ngayon, ‘yung Will Never Say Goodbye. Eto talaga ‘yung inupuan namin para mag-meeting,” paliwanag niya.

Actually, nagsu-shoot pa raw si JC ng “Halik Sa Hangin” ay nagsimula na rin siya ng taping para sa nasabing serye.
Anyway, diretsong  sinabi sa amin ni JC na hindi niya inimbita ang natsi-tsismis na girlfriend niya ngayon na si LJ Reyes sa premiere night ng “Halik Sa Hangin.”

Pero hindi lang daw dahil taga-GMA si LJ kundi sadyang pamilya lang daw ni JC ang inimbita niya. Maayos naman daw ang relasyon nila ni LJ.

“Yeah, okey naman kami.  Actually, busy lang talaga. Busy lang talaga ako sa work. So, wala. ‘Yung mindset ko napupunta sa work,” lahad ng binata.

Madiin naman niyang itinanggi na magsyota na talaga sila ni LJ, “Ay, hindi po. Hindi pa po talaga. Steady lang po kami. Usap-usap, ganyan.

Kapag may chance, siguro, minsan nagkikita. But not all the time. Hindi naman constant ‘yung communication dahil nga sa trabaho.”  Ilang linggo na lang at Valentine’s Day na.

For sure, magse-celebrate sila ni LJ, “Ah, magti-taping (ako, hehe. Oo, magti-taping po talaga ako. Ever since naman po   may trabaho ako lagi kapag Valentine’s day.”

Kahit daw mag-celebrate sila before or after ng Valentine’s day wala raw siyang nakikitang oras para makapag-date sila ni LJ. Araw-araw daw kasi may taping siya, “Siguro ang lovelife talaga nase-set aside ‘yan.

Kaya wala na munang date-date,” ngiti niya. Wala namang isyu sa pagitan ni JC at ex-lover ni LJ, na ama rin ng anak nito na si Paulo Avelino. Parati raw silang nagkikita ni Paulo since pareho silang nasa ABS-CBN at iisa ang kanilang manager na si Leo Dominguez.

But with regards sa relasyon nila ni LJ, hindi raw nila napapag-usapan ang tungkol kay Paulo. Wala rin daw problema kung magsama sila ni Paulo sa isang  proyekto.