Julia, Gerald game na game sa kama; hubad kung hubad

GERALD ANDERSON AT JULIA MONTES

STAR-STUDDED ang ginanap na premiere night ng “Halik Sa Hangin” na pinagbibidahan nina Gerald Anderson, JC de Vera at Julia Montes last Tuesday.

Dumating ang teleserye leading man ni Julia na si Coco Martin at executives ng Dreamscape Entertainment TV, headed by Deo Endrinal.

Sinuportahan naman si Gerald ng kanyang teammates sa basketball tulad nina EJ Falcon, Ken Anderson and Xian Lim. Isa sa mga pinakaunang dumating sa premiere night si Xian pero maaga rin siyang umalis.

Namataan din namin si Meryll Soriano na tila ‘di rin tinapos ang movie. Most probably, humabol si Meryll sa birthday party ng kanyang ama na si Willie Revillame sa Will Tower Mall.

Earlier, panay na ang announce ni Eric John Salut sa loob ng sinehan na manonood din ng “Halik Sa Hangin” that night si Vice Ganda. Na-late ng dating si Vice at ‘di na namin namalayan na umakyat sa premiere section sa loob ng sinehan. And after ng premiere night, nakita namin si Vice na dumaan sa isa sa secret exit doors ng SM Megamall.

Sa cast party ng “Halik Sa Hangin” nakausap namin si Julia na overwhelmed na overwhelmed sa mga papuri sa performance niya sa movie. Pinakatinilian talaga sa movie ang bed scene nila ni Gerald.

First time pala ni Julia na gumawa ng ganoong eksena sa pelikula. Kabadung-kabado raw siya noong ginawa nila ni Gerald ang eksenang ‘yun. Kaya patutul-putol daw ang kuha ng mga anggulo.

Present ang lola ni Julia sa premiere night. Ang lola niya ang namamahala ng beauty salon na itinayo ni Julia sa bandang Paco, Manila. May balita na nagsara na raw ang naturang parlor. Pero ayon mismo sa handler ni Julia sa Star Magic, nandoon pa rin daw ‘yung beauty parlor ni Julia.