True ba: Toni, Direk Paul engaged na?

PAUL SORIANO AT TONI GONZAGA

KUMALAT sa social media kahapon ang balitang engaged na raw sina Toni Gonzaga at Paul Soriano.

Ayon sa chika, mukhang nag-propose na raw kay Toni ang long-time boyfriend niyang si direk Paul.

Ito’y base na rin sa ipinost na birthday greeting ng veteran actress na si Sandy Andolong para kay Toni, kung saan tinawag nga nitong “loving fiancé(e)” ang TV host-actress.

“Happy birthday @celestinegonzaga? I truly enjoyed our short but memorable bonding in Japan. Wish & pray for more blessings, joy & peace in your life because you most certainly deserve it.

“No matter how famous you have become your are so well grounded & a humble person. You are a very good & caring daughter, sister, & friend. A loving & loyal fiancé, & more importantly a very obedient child of God. Have a happy one. See you Friday,” ang mahabang post ng misis ni Boyet de Leon.

In fairness, sa naging sagot ni Toni sa post ng veteran actress ay hindi niya ikinorek ang pagtawag sa kanya ng “loving fiance”.

At dahil nga rito, hindi na tinantanan si Sandy ng kanyang followers sa social media ng pagtatanong kung totoo bang engaged na sina Toni at direk Paul.

Bago matapos ang taon ay napabalitang nag-propose na raw si Paul kay Toni pero itinanggi ito ng dalawa, false alarm daw ang balita. Ipinakita pa nga ng singer-actress-TV host ang kanyang mga daliri na walang suot na engagement ring para patunayang hindi pa nagpo-propose ang kanyang dyowa.

Habang sinusulat naman namin ang balitang ito ay wala pang official statement sina Toni at direk Paul kaya hintayin na lang natin kung sila ba’y aamin o magdedenay uli.