Dingdong, Marian inaayos na ang magiging Pre-Nuptial Agreement

“NAKAKAHIYA!” Iyan ang tugon ni Dingdong Dantes nang muling matanong tungkol sa pre-nuptial agreement sa kasal nila ni Marian Rivera.

Hangga’t maaari raw ay ayaw muna nila itong pag-usapan in public, kapag tungkol daw kasi sa pera ay parang hindi magandang pag-usapan sa harap ng camera.

Pero sey ni Dingdong, talagang hindi pa raw nila nadi-discuss ng kanyang bride ang tungkol sa kanilang mga ari-arian.
“Ayokong magbigay ng premature opinion… dahil siyempre, if I (give) my opinion, it’s like stating already kung ano yung magiging gusto ko sa set-up namin.

If it’s a delicate matter gaya nga ng sabi niyo, kailangang pag-isipan naming mabuti. Kami naman, we’re open to talk about anything at mahalaga sa amin, kasi bilang Pilipino, we’re shy to talk about money.

“Pero kinakailangan na maging klaro ang mga bagay na ganu’n. Hindi magiging hadlang ito sa aming communication. That’s why, one of the things na in-establish namin ay open communication with regards to anything.

And that’s part of it and we’re in the process of settling these things even before,” seryosong sabi ng Kapuso Primetime King.
Samantala, natanong din si Dong kung ano’ng plano nila ni Marian pagkatapos ng kasal?  “Siyempre, after no’n, pahinga kami.

Although, hindi naman siya ganoon katagal, pero may oras kami para mag-reflect. Kung ano yung mga napagdaanan namin nitong buwan na ‘to.

“Marami pong blessing na dumating sa buwan na ‘to and in fact, yung pinakamalaking blessing po ay matatanggap namin soon, so kailangan din naming rumelaks and you know, i-appreciate kung ano ang buhay, ano ang meron kami,” aniya pa.

Kasabay nito, kinlaro naman ni Dingdong ang pagkakaalam ng marami na isang super big wedding ang magaganap sa Dec. 30, “Unang-una, I don’t consider it big.

Para sa amin kasi, we wanted it to be very personal. Kapag sinabi mong intimate kasi, iisipin mo, konti. “Pero in the sense, kasi na nandoon ang mga taong mahalaga sa amin – mga taong malapit sa amin.

Like kami po, malaki kasi ang family ko to begin with. Kaya doon pa lang, nagiging malaki lang siya in that context. Pero sa katotohanan lang naman, ang pinakamalaking nangyari rito is the sacrament itself which will happen sa church.

“So para sa amin, yun ang pinakamahalaga sa lahat… Lahat naman po ng mangyayari after that is icing on the cake. Celebratory moves na lang ‘yan.

“Kumbaga sa stress, meron at meron din ‘yan kasi, ibig sabihin kapag nai-stress ka, nilalagay mo ang buong effort mo, hindi ka lang masyadong rume-relaks.

Magandang ma-experience mo rin yun at one point in this whole journey because it will make you appreciate it more,” esplika ni Dingdong.

Laging sinasabi ni Marian na agad-agad ay gusto na niyang mabuntis after ng kasal, kaya ang sumunod na tanong kay Dong ay kung papayagan ba niyang tumigil muna si Marian sa pagtatrabaho para magkaroon agad sila ng baby?

“Oo, e. Kung yun ang kinakailangan. Pero siyempre, meron silang sariling arrangement with GMA, ‘di ba? Pero kung meron man, yun ang magandang opportunity,” aniya.

May plano ba siya sa huling Pasko niya ngayon bilang binata, “Actually, wala akong plano. Makikisabay lang ako kung anuman ang plano ng mga magulang ko as always.

Hindi naman ako ang gumagawa ng plano namin. Ako e, nakikisama lang palagi. “Kung anuman ang ginagawa namin for the past years, ganoon pa rin ang gagawin namin, wala pa ring magbabago,” sey ni Dingdong.