‘Praybeyt Benjamin’ ni Vice hindi pa tapos, pero hahabol sa MMFF 2014
VICE GANDA
Ilang araw pa raw bago matapos ang “Praybeyt Benjamin” movie. Pinipilit daw ng produksiyong matapos ito para makahabol sa MMFF 2014. Marami raw kasing aberyang nangyari kaya hindi pa rin ito matapos-tapos.
Hopefully ay umabot nga ito dahil mukhang may promise ito sa takilya kahit sabihin pa nating wala namang wawa ang movie.
Basta maibenta lang si Vice Ganda oks na sila. Sila-sila lang naman kasi nina Kris Aquino and Vic Sotto ang naghahari sa takilya kaya kampante silang kikita ang movie nila.
Pero don’t be so sure dahil may sariling market ang “Shake, Rattle & Roll” ng Regal Films. Ito ang pelikulang never nagpakabog ever since. Kaya nga naka-15 installments na sila eh. Magaganda pa naman ang mga episodes ng “SRR” this year: ang “Flight 666” nina Lovi Poe at Matteo Guidicelli; “Ahas” nina Erich Gonzales at JC de Vera; at “Ulam” nina Carla Abellana at Dennis Trillo. Kumbaga, you are watching three movies in one. Ganoon iyon.
Kaya kung tutuusin ay lamang talaga ang “SRR” sa kanilang lahat. Kaya humanda kayo sa pag-arangkada ng “SRR 15” this year. Marami tiyak ang pakakainin ng alikabok nito. And take note, tapos na ang mga episodes na ito kay walang dapat ikabahala ang Regal.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.