Tuloy na tuloy ngayong hapon ang panayam kay BB Gandanghari sa Paparazzi Showbiz Exposed, at meron pang bonus ‘yun, makakasama namin bilang co-host sa programa si Mariel Rodriguez.
Kina Robin Padilla at Mariel nakatira ngayon ang kababalik lang mula sa Amerika na si BB Gandanghari, ang mag-asawa ang nag-aasikaso sa kanya, napakaganda ng samahan ng tatlo pati ng iba pang mga Padilla.
Parang si Mariel nga ang tumatayong manager ngayon ni Rustom, este BB Gandanghari pala, dahil ito ang kumakausap sa lahat ng mga may gustong mainterbyu at mai-guest si BB Gandanghari.
Kung sino ang mag-iinterbyu kay BB Gandanghari ngayong hapon ay hindi pa namin alam, ang sigurado lang namin ay ang kanyang pagge-guest sa Paparazzi, abangan na lang natin kung silang dalawa ni Zoren Legaspi ang maghaharap para sa interbyuhan.
Ang dami-daming impormasyong gustong ipahayag ang nagbagong-anyong si BB Gandanghari, sa tagal niya sa Amerika ay marami siyang pinagkaabalahan du’n, ngayon natin direktang malalaman mula sa kanya kung totoo ba ang kumakalat na kuwento na nagpa-sex change na siya.
Balita ring may gaga-wing kakaibang programa sa TV5 si BB Gandanghari, ngayon pa lang daw tayo makakapanood ng ganu’ng daloy ng show, sasalang na nga sa telebisyon ang kontrobersiyal na si BB.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.