Hindi raw pera ang habol niya sa Comedu King
NAGING madamdamin ang huling presscon ng pinakamalaking family drama series ng ABS-CBN na Budoy dahil sa mga bida nito.
Naging close na kasi ang stars ng serye mula kay Gerald Anderson, Tirso Cruz III, Janice de Belen at Zsa Zsa Padilla.
Kaya nu’ng nagbibigay na sila ng parting words, ‘di na napigilan ni Zsa Zsa ang mapaluha.
Naging support group na kasi ni Zsa Zsa ang cast ng Budoy kung saan dito siya nagsusumbong ng kanyang mga problema.
Sambit nga ni Zsa Zsa, baka kailanganin na niyang kumuha ng psychiatrist ngayong mawawala na ang support group niya dahil huling linggo na nga ng Budoy.
Hindi naman lingid sa marami ang pinagdadaanan ngayon ng Divine Diva tungkol sa kanyang lovey na si Comedy King Dolphy.
“Siyempre kahit paano you’ve been hearing rumors, ‘di ba? The past few years had been difficult for my family.
Alam naman nila na si Dolphy, aside from being 83 years old.
Siyempre he’s not in the pink of health and a lot of time talaga na naging very, very considerate sila.
Manggagaling ako sa ospital na wala akong tulog.
Diretso ako sa set. Laging ganu’n ang buhay ko.
Nararamdaman ko ‘yung alaga at pag-aalalay nila sa akin,” lahad ni Zsa ZSa.
Ilang linggo ring nanatili sa Makati Medical Center si Dolphy at ngayon ay balik-bahay na ang Hari ng Komedya, “Mas stronger kami ngayon, oo.
I just realized that the other day. It’s just so nice to realize that I missed Dolphy whenever I’m not with him.
It has brought us closer. And in a sense, you know we’ve been together probably for 23 years, ang tagal na, ‘no? Sa showbiz parang 100 million years na ‘yun.
“Maganda ‘yung feeling sa tagal ng pagsasama namin you would feel the need to be with this person.
Parang ‘yung nag-uumpisa ‘yung relationship ninyo. Quite honestly, I would say I’m in love with him again,” pahayag ni ZsaZsa.
Tungkol naman sa inaasam-asam na kasal noon nina Dolphy at Zsa Zsa, diretsahang sinabi ng Divine Diva na hindi na ito mangyayari.
Hindi na raw nila pinag-uusapan ang tungkol dito dahil magulo lang.
“Aaminin ko affected ako na iniisip sa akin ng tao na pera lang ang habol ko sa kanya.
Sa tagal na ng pagsasama namin kung mauuwi man sa kasal ay nabibigyan pa ng malisya, na sasabihin, ‘Hindi, pera lang ‘yan.’ So, I wanted to disprove that.
Sa totoo lang, it should have been the two of us.
Kaya lang since malaki rin ‘yung pamilya niya and may complications na mangyayari, so, we ‘ve decided na huwag na lang.
“Let’s just, kumbaga, tayo pa rin naman, e. Nothing has changed.
And you know, I’m still here. I’m still supporting you a hundred percent. Ganu’n din naman siya.
So, wala na akong dapat hilingin pa,” diin ni Zsa Zsa.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.