Rocco sa relasyon nila ni Lovi: Kasal muna bago baby!

KINUMPIRMA ng Kapuso leading man na si Rocco Nacino ang espesyal na relasyon nila ngayon ng GMA premiere actress Lovi Poe. And yes, exclusively dating na nga ang dalawa – ibig sabihin wala nang pwedeng manligaw na ibang lalaki kay Lovi at hindi na rin maaaring makipaglandian sa ibang babae si Rocco.

Kahapon, nakachika namin ang binata sa pocket presscon na ibinigay sa kanya ng GMA Artist Center, at dito nga niya inamin na umakyat na sa next level ang relasyon nila ng Kapuso actress.

Ayon kay Rocco, “Yes, I could say that we’re exclusively dating, pero sabi ko nga, hangga’t maaari hanggang du’n na lang muna ‘yung ise-share ko sa inyo at sa public.

At ‘yun din naman ang gusto niya (Lovi). Para naman meron pa rin kaming privacy kahit paano.” Pero sey ni Rocco, hindi naman sa nagdadamot sila sa kanilang fans tungkol sa kanilang personal na buhay, gusto lang nilang limitahan ‘yung mga isine-share nila sa publiko.

Inamin naman ng binata na pareho silang mahilig sa bata ni Lovi, pero hindi naman ibig sabihin nito ay gusto na nilang magka-baby.

Hangga’t maaari, mas gusto pa rin nila ni Lovi na ikasal muna bago sila magkaroon ng anak, “Kasi traditional pa rin naman kami pagdating sa mga bagay na ‘yan.

Pero ‘yun nga, hindi mo rin naman masasabi kung ganu’n ang mangyayari (magka-baby agad),” sey ni Rocco. Samantala, tuwang-tuwa ang aktor dahil sa panibagong award na natanggap niya kamakailan, siya ang tumanggap ng Natatanging Likha para sa Dulang Pantelebisyon – Hiblang Huwaran award na ginanap noong May 31 sa  Gawan Duyan Awards.

Organized by the Philippine Pediatric Society, Gawan Duyan Awards, “Aims to highlight shows that responsibly and sensitively project values, relationships and events that impact the unique and fragile milieu of the young.”

Kinilala nito ang remarkable portrayal ni Rocco bilang si Mayor Joseph Santiago sa GMA News TV’s first original series on good governance, ang  Bayan Ko, “It feels great to be recognized for your talents.

I would like to thank GMA and GMA News TV for entrusting me good projects and memorable roles. This award serves as motivation to improve and excel more in my craft.

Sana magkaroon pa tayo ng maraming Joseph Santiago sa gobyerno natin.” Bukod sa pagiging regular sa Sunday All Stars, busy din si Rocco sa indie movie na “Hustisya”, isa sa mga entry sa  Cinemalaya Film Festival 2014 kung saan makakasama niya si Superstar Nora Aunor. Naghahanda na rin ang binata sa bago niyang teleserye sa GMA na isang action-drama.

( bandera.ph file photo )