Bardagulan na: ‘This is not edited’ post ni Heart pang-asar daw kay Pia
Pia Wurtzbach at Heart Evangelista
“ANG TARAY!” Iyan reaksyon ng ilang nakabasa sa ipinost ni Heart Evangelista sa kanyang Instagram account tungkol sa natanggap na invitation para sa isa na namang fashion event.
Feeling kasi ng mga netizens, simpleng patutsada ito ng Kapuso actress at international fashion icon kay 2015 Miss Universe Pia Wurtzbach.
Napanood namin ang video ni Heart kung saan ibinandera niya sa buong universe ang imbitasyon sa kanya ng artistic director ng luxury brand na Fendi para sa Milan Fashion Week na si Kim Jones.
Baka Bet Mo: Philmar sa viral video nila ni Crissa: ‘It was edited to create an issue’
Binasa pa ng misis ni Senate President Chiz Escudero sa video ang nakalagay sa invitation sa kanya ni Kim, “Dear Heart, welcome to Milano. Love, Kim Jones.”
View this post on Instagram
Mensahe naman ni Heart kay Kim Jones, “Thank you so much. I love Kim Jones, and this is not edited.” Sinundan pa ito ni Heart ng makahulugang kindat.
Isa namang member ng glam team ni Heart ang nag-post sa comments section ng kanyang IG video, si Memay Francisco na nagsabing, “Du’n tayo sa realtime and not edited.”
Sinagot naman ito ni Heart ng, “Ha-hahahaha.”
Naniniwala ang mga netizen na pang-asar ni Heart kay Pia ang kanyang IG post matapos ngang akusahan ng bashers ang actress-beauty queen na nag-post ng video mula sa isa sa mga fashion show ni Carolina Herrera para lang daw masabing invited siya.
Sey ng netizens, in-edit lang daw ni Pia ang ipinost na video para palabasing nandu’n din siya sa show ni Carolina Herrera na bahagi ng katatapos lamang na New York Fashion Week.
Pero pinabulaanan naman ito ni Pia kasabay ng pagpo-post ng video sa IG bilang resibo na imbitado talaga siya pero late na siyang dumating sa venue kaya hindi siya nakapasok sa loob.
View this post on Instagram
Gets na gets naman ng IG followers ni Heart ang nais tumbukin ng aktres sa kanyang IG video about Milan Fashion Week.
“Natawa ako doon sa ‘hindi edited’ mga 1k na tawa… I love you Heart.”
“FENDİ LOOOOOKSSSSS!!! Pasabooog mo na yan DAY 1 palang!!!!! @izasim @iamhearte and TEAM HEART ALL THE WAY!!!! No to EDITING lolllll!”
“Wahahaha ohh di yan edited enjoy Ms Heart.”
“Shutaaaaa ahahhahahha award sa not Edited.”
“HAHAHAHA NOT EDITED!!! HAHAHA!”
“Hindi over acting hndi ngangaragngarag hndi naghahabol sa mga brands at mas lalong hndi sulutera nor sinungaling! Dun tayo sa legit and not edited loveyou hearty!!!”
“Hahahahaha, the shade.”
Habang sinusulat namin ang balitang ito ay wala pang bagong post si Pia sa kanyang socmed accounts.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.