John Lloyd naaksidente sa bike, mukha kailangang tahiin
JOHN LLOYD CRUZ
Tinahi ang isang bahagi ng kaliwang mukha ni John Lloyd Cruz matapos maaksidente kanina sa Sta. Juliana, Capas, Tarlac.
Ayon sa ulat ng ABS-CBN, naganap ang insidente habang nasa shoot ng station ID ng Kapamilya network ang aktor. Kinukunan daw ang eksena ni Lloydie habang nagba-bike nang aksidente itong natumba. Unang tumama raw ang mukha ni John Lloyd sa lupa.
Agad na isinugod sa ospital ang aktor at doon binigyan ng first aid treatment.
Ayon sa Star Magic, wala nang dapat ipag-alala ang mga fans ni John Lloyd.
Kailangan daw sumailalim muna si John Lloyd sa CT scan para masigurong walang na-damage sa kanyang ulo. Medyo shock pa raw si John Lloyd nang lagyan ng apat na stitches ang kanyang sugat (left nostril) na pinasukan ng maliit na bato.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.