Isa sa mga ultimate dream ng Comedy Queen na si Ai Ai delas Alas ay ang makagawa ng isang project sa Hollywood, sana raw bago siya mawala sa showbiz ay makapunta siya sa Hollywood.
“Gusto ko, kahit man lang bago ako mamatay, isa man lang project sa Hollywood, di ba? May masabi man lang ako sa mga taga-Hollywood na, ’I’m the Philippines’ gift to your country.’ Di ba?” ngiti ni Ai Ai.
Tawa naman nang tawa ang audience sa Star Awards for TV kamakailan nang magbigay ng kanyang acceptance speech si Ai Ai para sa kanyang trophy para sa Best Single Performance by an Actress (Maalaala Mo Kaya), sabi kasi ng Comedy Queen, “Yes, maraming blessings, wala na akong sex life.”
Pero hindi pala siya nagbibiro nang sabihin niya ‘yun, “Ganu’n kasi, e. Na hindi naman lahat ibinibigay sa ’yo. At saka tuwing may movie ako, celibate ako talaga.
“So, kapag dumadami ang ganitong blessings, alam ko na ang ibig sabihin—behave! Ganu’n talaga. Wala na tayong magagawa. At tinanggap ko na. Matagal ko nang tinanggap iyon,” sabi pa ni Ai Ai.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.