Robin Padilla: Mag-sorry ka!; Kiko: Magreklamo ka sa Ethics!
HINDI pinagbigyan ni Sen. Francis “Kiko” Pangilinan ang nais ni Sen. Robin Padilla na humingi ito ng paumanhin sa kanya sa insidente ng paninigaw kahapon.
Sa kanyang pagsasalita sa sesyon, humugot sa Senate Book of Rules at sinabi na ipinagbabawal sa isang mambabatas na gumawa ng mga hakbang na maituturing hindi ayon sa kanyang posisyon.
Nagpaliwanag pa si Padilla sa hindi niya pagtanggap ng pakikipag-kamay ni Pangilinan sa kanya matapos ang kanilang mainitang diskusyon.
Sabi niya hindi niya tinanggap ang paghingi ng paumanhin ni Pangilinan dahil suspendido ang sesyon.
Aniya kung uulitin ito ni Pangilinan habang sila ay nasa sesyon ay mapag-uusapan ang pangyayari.
Matapos magsalita ni Padilla, tumayo si Pangilinan at sinabi na idulog na lamang ni Padilla sa Senate Ethics Committee ang kanyang reklamo at muli na lamang itong umupo.
Kahapon, sinabi ni Padilla na irereklamo niya sa Ethics Committee si Pangilinan matapos magkainitan sa plenaryo.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.