Angel Locsin acting mentor ni Joaquin Arce: ‘Tinuturuan akong umarte nang magaling’

SA mga nakaraang interview, madalas banggitin ni Joaquin Arce na inspirasyon niya pagdating sa aktingan ang kanyang stepmom na si Angel Locsin.

Pero ang hindi alam ng marami, bongga naman pala ang support system niya mula sa pamilya!

Sa isang panayam sa “Oh My Gan,” ikinuwento muna ni Joaquin kung paano unti-unti siyang na-inlove umano sa mundo ng pag-arte.

“As a kid, mahilig talaga ako manood ng movies,” sey ni Joaquin.

Baka Bet Mo: Angel Locsin muling nagparamdam sa socmed, excited maka-work anak ni Neil Arce

“But it only occurred to me siguro mga three years ago na gusto ko talaga umarte. Nag-workshop ako ng acting and because of that, I fell in love at first sight with the art,” patuloy niya.

Aminado rin siyang kahit kilala ang tatay niyang si director-producer Neil Arce sa industriya, hindi ito ang nagtulak sa kanya para pumasok sa showbiz.

“Not really, actually. Like, I wanted to go in on my own accord,” pag-amin niya.

Dagdag ng binata, “Nagkataon lang na director siya and producer siya. He gave me a lot of advice. ‘Yung mga payo niya talaga valuable.”

Ibinunyag din ni Joaquin ang close at special relationship niya kay Angel, na tinatawag niyang “Tita Angel.”

“Hindi ko ramdam ‘yung ‘they’re above me’ sort of thing. They treat me like anybody else. But of course, with the motherly aspect there and the fatherly aspect,” saad ng young actor.

Chika pa niya, “She’s one of the sweetest human beings alive. If you get to know Tita Angel, magugulat ka talaga how humble and how sweet she is as a person.”

Para sa kanya, hindi lang niya stepmom si Angel, dahil isa rin itong mentor sa acting.

“More of mentor siya sa akin in the acting aspect,” sambit niya. 

Kwento pa ni Joaquin, “Tinuturuan niya ako paano umarte nang maayos, nang magaling.”

Aniya pa, “I think what I could do to make them proud is for me to do my best and to excel. I just wanna do my best, I wanna do better.”