Angel Locsin muling nagparamdam sa socmed, excited maka-work anak ni Neil Arce

NAGPAKITA ng suporta ang aktres na si Angel Locsin sa kanyang stepson na si Joaquin Arce na ngayo’y pumasok na rin sa mundo ng showbiz.

Matapos ang halos tatlong taong pananahimik sa social media ay muling magparamdam ang aktres para i-congratulate ang anak ng asawang si Neil Arce.

Sa kanyang Facebook page ay ibinahagi ni Angel ang reels kung saan bumandera si Joaquin bilang isa sa mga bagong rising artists ng Star Magic, ang talent management arm ng ABS-CBN.

“He is JOAQUIN ARCE – an actor and host in the making, and TOMORROW is his time to SHINE. Tune into Star Magic’s official YouTube channel or Facebook page to catch Joaquin as he officially become part of the Star Magic family!” caption sa reels ng Star Magic.

Baka Bet Mo: X Account ni Angel Locsin, na-hack

Damang-dama naman ang saya ni Angel para sa kanyang stepson dahil nasa iisang industriya na sila.

“Me, your mom, and your dad are very proud of you [heart emoji],” saad ni Angel caption ng kanyang post.

Dagdag pa niya, “can’t wait to work with you.”

Marami nga sa mga netizens ang na-excite at natuwa sa muling pagpaparamdam ni Angel.

“OMG! Ang tunay na Darna! Ito na ba ang tinatawag nilang comeback?” saad ng isang netizen.

Comment naman ng isa, “Mukhang magbabalik na ang my one and only idol ANGEL LOCSIN.”

“Please come back na, we’re longing for you, we miss you so much,” sey naman ng isa.