Tony Labrusca, Kelley Day, Direk Joel may bwelta sa hugot ni Alvin Aragon
HALOS pare-pareho ang naging sagot nina Tony Labrusca, Yuki Sonoda, Kelley Day at award-winning director na si Joel Lamangan tungkol sa isyu ng pambabastos ng kababaihan.
Hot topic pa rin until now ang mga naging pahayag ni Alvin Aragon na nasa pananamit din daw ng mga babae kung bakit sila nakararanas ng panghaharas mula sa mga kalalakihan.
“Filipino men protect your wife may ‘Sin of lust’ kasi. and Filipino women dress modestly to avoid sexual desire. ‘Kasi nga may Sin of lust.’
“Alam n’yo mahirap talaga yan iwasan si Jesus lang ang makakatulong sayo ma overcome yan.”
“Jesus said, ‘…if your eye causes you to sin, gouge it out and throw it away. It’s better to enter eternal life with only one eye than to have two eyes and be thrown into the fire of hell,'” sabi ni Alvin.
Sa naganap na presscon ng pelikulang “All About Her”, ang entry ng 3:16 Media Network ni Ms. Len Carrillo sa Sinag Maynila 2026, natanong ng BANDERA ang cast, pati na ang direktor nitong si Joel Lamangan at writer na si Quinn Carrillo tungkol sa pahayag ni Alvin.
Sagot ni Tony, “I think that women have the right to wear whatever they feel beautiful in. ‘Yun lang ‘yun. No one should be disrespected.
“Everybody has the right to express themselves. Regardless of the way you dress, no one deserves to feel disrespected,” aniya pa.
Para naman kay Yuki, “Just because a woman wears something sexy doesn’t mean that you’ll disrespect them. I think women should wear anything they want.”
Sabi naman ni Kelley, “In a perfect world, you can wear whatever you want, and people won’t disrespect you.
“They won’t check you out and wolf whistle, but it’s not a perfect world. From my experience as a woman who does modeling, my physical appearance is related to my job,” saad pa ng dating beauty queen.
Dagdag pa niya, naniniwala rin siya na dapat magsuot ng damit ang isang tao na akma o appropriate sa event na kanyang dadaluhan. Para sa kanya, parang hindi naman tama kung naka-bikini ka habang namamasyal sa mall.
“I learned that for this event, I don’t want to attract certain people. I should not make it look too attractive.
“I’m not condoning treating women disrespectfully because of what they’re wearing, but I think we can protect ourselves by making the right choices about what we wear,” esplika ni Kelley.
Sey naman ni Direk Joel, “Pakialam naman natin anong gusto niyang isuot? Problema lang natin ‘yun kung nakakainsulto na.
“Pero kung hindi naman, wala tayong pakialam. Maiinsulto ako kung naka-bikini ang mamamalengke. Kaya ako, wala akong pakialam,” aniya.
Sey naman ni Quinn, “Kapag nagsalita ako about this issue baka abutin tayo bukas. But I’m gonna make it short, please don’t blame our clothes for your poor upbringing.”
Samantala, iikot ang kuwento ng “All About Her” sa isang beauty queen na natagpuang patay ng kanyang best friend.
Dito magsisimula ang mga twists and turns ng istorya, kabilang na ang ilang mga nakakaloka at shocking na nangyayari sa mga beauty pageants.
Kasama rin sa pelikula sina Itan Rosales, Marco Gomez, Angelica Cervantes, Pancho Magno, at Jim Pebanco.
Magkakaroon ng gala premiere ang “All About Her” sa March 23, 5 p.m. sa Gateway Cinema 17.
Ang entries ng Sinag Maynila 2026 (Sine Lokal, Pang-International) ay ipalalabas sa Gateway Cinemas (Cubao, Quezon City), Eastwood Cinemas (Libis, QC), Uptown Cinemas (BGC, Taguig City), Venice Cineplex (McKinley Hill, Taguig City), at Lucky Chinatown Cinemas (Binondo, Manila).
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.