Ed Sheeran may nakahanda nang album sakaling matsugi: ‘It’s in my last will!’

NAKO, mukhang nag-advance na masyado ang international hitmaker na si Ed Sheeran pagdating sa kanyang music!

Ibinunyag niya kasi na may plano siyang mag-release ng posthumous album o album na ilalabas lang kapag siya’y namatay na.

Sa isang interview sa “The Zane Lowe Show,” inamin ng sikat na singer-songwriter na isinama na niya ito sa last will and testament niya!

“It’s actually in my will, and Cherry gets to pick the tracks for it,” paglalantad ni Ed tungkol sa misis niyang si Cherry Seaborn na siyang pipili ng sampung best songs na isasama sa album kapag wala na siya.

Baka Bet Mo: Ed Sheeran nag-enjoy mag-karaoke, sey niya sa Ben&Ben: Bloody brilliant!

“My wish is to make a record out of all the songs from the age of 18, so when I pass away, she can choose the 10 best. It’s fully in there if I were to go tomorrow,” chika pa ng 33-year-old singer-songwriter.

Ang title ng naturang album? “Eject.” 

Sheeran admitted na hindi lahat matutuwa, pero confident siya na maraming fans ang maghihintay at mae-excite.

“Lots of people won’t like that of me, but there’ll be lots of my fans who would find that super interesting,” sey niya sa interview.

Dagdag pa niya, “You know how posthumous albums come out, but they’re sort of unplanned. I want to sort of make a plan… Because you never know.”

Pero siyempre, buhay na buhay pa si Ed at busy sa music! 

Nitong September 12 lang, nilabas niya ang kanyang eighth album na “Play.” 

At hindi lang ‘yan, may line-up pa siyang mga susunod na album na may titles na “Pause,” “Fast Forward,” “Rewind” at “Stop.” 

Nagsimula si Ed sa kanyang music journey noong 2004, at hanggang ngayon tuloy-tuloy pa rin ang pagmamahal ng fans worldwide sa kanyang mga kantang “Shape of You,” “Perfect,” “Photograph,” at “Lego House.”