Cassy Legaspi super kilig sa pagkikita nila ni Han So-hee: ‘OMG! Twins!!’
SOBRANG saya at kilig ang naramdaman ni Cassy Legaspi nang makaharap niya ang kanyang “dream girl” na si Han So-hee!
At dahil sa bonggang tagpo, hindi napigilan ng mga kapwa-celebrities at fans ang mag-react na parang magkapatid daw talaga ang dalawa.
Sa isang Instagram Story, ibinandera ni Cassy ang ilan sa mga eksena sa kanilang pagkikita.
Siyempre, dahil sa nangyari ay hindi niya pinalampas ang chance na mag-fangirl mode.
Baka Bet Mo: Cassy Legaspi sumeksi dahil sa pagbabago ng lifestyle: I lost 30 pounds
“Finally met my dream girl [Han So-hee]!” bungad ng dalaga sa post.
Dagdag niya, “Was so inspired by our sparkling treasure, she added more fuel to my passion for acting.”
Hindi lang ‘yun, tinawag pa niya itong kanyang “biggest pinch me moment.”
Agad namang bumuhos ang comments mula sa showbiz friends ni Cassy kasama sina Bea Alonzo, Rita Daniela, Alexa Ilacad at Richard Juan na halos pare-pareho ang sinasabing “twin” daw sila ni So-hee.
Kung hindi nga lang may time zone difference, baka isipin ng netizens na may long-lost sister ang Korean star sa Pilipinas.
Ang Korean actress ay bumisita sa Manila noong September 13 para sa kanyang fan meeting na “Xohee Loved Ones,” na talaga namang dinumog ng mga loyal K-drama fans.
Siyempre, kilala si So-hee sa mga pasabog niyang K-Drama kagaya ng “The World of the Married” (2020), “Nevertheless” (2021), “My Name” (2021), “Soundtrack #1” (2022), at “Gyeongseong Creature” (2023).
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.