Kyline Alcantara babandera sa ‘K-Beauty Glow-Up’ event, libreng beauty tips

PHOTO: Instagram/@kylinealcantara

HANDA na ba kayong mag-glow up na parang K-Drama leading lady?

Hatid ng Korean Cultural Center in the Philippines (KCC) at Korea Tourism Organization (KTO), ang “K-Beauty Glow-Up!,” isang interactive experience na punong-puno ng trending beauty tips at travel inspo straight from Korea!

Ang bonggang event ay gaganapin sa SM Aura sa Taguig sa darating na April 25 to 26.

At ang good news pa, FREE ENTRANCE ito para sa lahat ng K-Beauty fanatics at Korea lovers!

Bukod diyan, bibida rin sa event ang young actress na si Kyline Alcantara na magshi-share ng kanyang sariling K-Beauty at wellness tips.

Baka Bet Mo: Mga kakanin, rice cakes ibinandera ng KCC sa 75th anniv ng Pilipinas-Korea

Kasama rin sa paandar ang personalized beauty consultations at makeovers mula sa Korean experts, pati na rin ang pagkakataong gumawa ng sariling Korean scent.

Pwede mo rin i-explore ang mga bagong K-Beauty products, pati na rin ang discounts sa flights to Korea at exclusive promo codes.

Siyempre, hindi rin mawawala ang pa-giveaways sa social media contests at on-site activities.

PHOTO: Courtesy of KCC

Ang “K-Beauty Glow-Up” ay pa-warm up pa lang para sa Korea Beauty Festival 2025 na magaganap sa Seoul, South Korea from June 19 to July 18!

Ito ay isang buwan ng K-Beauty, K-Fashion, at K-Medical extravaganza sa mga sikat na lugar kagaya ng Dongdaemun Design Plaza, Myeongdong, Seongsu, at Gangnam.