Kathryn Bernardo inuutusan pa rin sa bahay kahit certified superstar na
Kathryn Bernardo at Min Bernardo kasama ang familya
PANTAY-PANTAY ang trato ni Min Bernardo sa kanyang mga anak, kahit pa nga maituturing nang isang superstar si Kathryn Bernardo.
Apat ang anak ni Mommy Min at siyempre si Kath ang masasabing pinaka-successful sa lahat dahil sa patuloy na tagumpay na tinatamasa nito sa kanyang career.
Sa panayam kay Mommy Min ng online show na “On Cue”, nabanggit nitong fair and just ang treatment niya sa lahat ng kanyang mga anak at kahit daw si Kathryn ay nauutusan pa rin kapag nasa bahay lamang sila.
“Si Kathryn pa nga ang nagiging utusan. Kasi siyempre ang bunso, siya ‘yung laging inuutusan, ‘di ba?” pahayag ng nanay ng Box-office Queen at tinaguriang Asia’s Superstar.
Pagpapatuloy ni Mommy Min, “Halimbawa, kahit na noong medyo nasa isang bahay pa kami, maliit pa si Kathryn, after ng taping nagtitinginan ‘yong magkakapatid na tina-try siyang utusan. Binu-bully siya ng kuya niya.
“Pero still, ang sarap ng buhay no’n. Parang happy family lang kahit na may artista,” aniya pa.
View this post on Instagram
Hanggang ngayon daw ay ganu’n pa rin ang turingan ng magkakapatid sa loob ng kanilang tahanan, lalo na kapag nagkasama-sama at nakumpleto silang lahat
Hirit pa ni Mommy Min sa naturang panayam, “Ang reyna dito sa bahay, ako. Hindi sila.”
Abot-langit din ang pasasalamat ni Mommy Min sa Diyos dahil sa tagumpay na tinatamasa ngayon ng kanyang anak sa napili nitong mundo.
Pag-amin pa niya, hindi rin naging madali ang lahat para Kath dahil ilang beses din itong nakaranas ng pagkabigo at rejections, bukod pa sa mga kinasangkutang kontrobersiya sa kanyang personal na buhay.
“Ngayon si Kathryn, independent na siya. Ang strong ng anak ko,” ani Mommy Min.
Samantala, never din daw siyang nakialam o nanghimasok sa lovelife ng anak at hinahayaan lamang ang dalaga na magdesisyon para sa sarili niya.
“Hinahayaan ko lang siya, pero nariyan pa rin ako sa side na bulong-bulong, ‘Hindi tama ‘yan,’ ‘Hindi okay ‘yan,’ mga ganu’n ba,” sabi ng nanay ni Kathryn.
At sa tanong kung may mga nanliligaw ba kay Kathryn, “Siyempre naman, ang pangit ba naman ng anak ko kung walang manliligaw.”
Kumalat ang chika na tumigil na raw sa panliligaw kay Kath ang leading man niyang si Asia’s Multimedia Star Alden Richards sa pelikulang “Hello, Love, Again”.
Sa ngayon ang kumakalat na balita, mukhang nagkakamabutihan na raw si Kathryn at si Lucena City Mayor Mark Alcala na ex-boyfriend ni Ashley Ortega.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.