Fyang, JM ibibida mga boses sa Tagalog version ng Korean film na ‘Picnic’
PHOTO: Instagram/@fyangsmith
MATAPOS magtambal sa isang music video, magkakaroon naman ng big screen debut sina Fyang Smith at JM Ibarra.
Ang “Pinoy Big Brother” (PBB) Gen 11 stars ay napabilang sa voice cast members ng upcoming Tagalog version ng South Korean film na “Picnic.”
Ang casting ng dalawa ay ibinandera mismo sa social media pages ng film production company na Nathan Studios kamakailan lang.
Makakasama ng duo ang veteran stars na sina Nova Villa, Ces Quesada at Bodjie Pascua.
Baka Bet Mo: Fyang Smith ilang beses niloko ng lalaki: Cheating is a choice!
Ang nasabing pelikula ay nakatakdang ipalabas sa mga lokal na sinehan sa darating na Mayo.
Ang kaabang-abang na proyekto ay ibinahagi rin ni Ces sa kanyang Instagram upang magbigay ng hint sa magiging istorya ng nasabing pelikula.
Inilarawan pa nga niya itong “heart-warming” na tungkol daw sa “friendship” at “growing old.”
“Starring and dubbed by real life BFFs Nova Villa and Ces Quesada as best friends in their twilight years,” caption niya pa.
View this post on Instagram
Para sa mga hindi aware, ang original film ay kumita ng $2.2 million o higit P11.4 million sa takilya.
Ang Korean version ay pinagbibidahan ng award-winning star na si Na Moon-hee, Korean actress na si Kim Young-ok, at seasoned actor na si Park Geun-hyung.
Ang kwento ng “Picnic” ay iikot sa isang 80-year-old na umuwi sa kanyang hometown makalipas ang anim na dekada at muling nakasama ang mga dati niyang kaibigan.
Ito ang unang beses na tumampok sina Fyang at JM sa big screen matapos magtambal sa music video ni Asia’s Songbird Regine Velasquez para sa kantang “Wherever You Are” na inilabas noong Enero.
Kung matatandaan, nagsimulang makilala ang on-screen partner nang sumali ang dalawa sa “PBB Gen 11” kung saan itinanghal na big winner si Fyang.
Sa nakaraang interview, ibinunyag ng baguhang aktres na punong-puno ng iba’t-ibang proyekto ang taong 2025 niya – may solo niya at mayroon ding kasama si JM.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.