Harry Roque hihingi ng asylum sa Netherlands; hindi iiwan si Duterte
Harry Roque at Rodrigo Duterte
MAGHAHAIN ng aplikasyon si dating presidential spokesperson Atty. Harry Roque upang makakuha ng “asylum” sa pamahalaan sa The Netherlands.
Isa ito sa mga paraan na naisip ni Roque upang maipagtanggol si dating Pangulong Rodrigo Duterte, na nasa kustodiya ng International Criminal Court (ICC) sa The Hague, kung saan lilitisin ang mga nagawa niyong “crimes against humanity” dahil sa kanyang “war on drugs.”
Ang “asylum” ay isang legal na proseso kung saan naghahain ng proteksyon at karapatang manatili sa ibang bansa ang isang indibidwal na nangangamba sa “persecution” at human rights violations sa sarili niyang bansa.
Matagal na hindi nagpakita sa publiko si Roque ngunit bigla lang siyang lumantad sa The Hague, Netherlands kasama sina Vice President Sara Duterte at Sen. Robin Padilla noong March 14, matapos ang isinagawang pre-trial hearing sa kaso ni Duterte.
“Well, I’m formally announcing that after a meeting today, I’m formally filing for asylum here at the Netherlands. As soon as my application of asylum is received, I do have rights to non-refoulement,” ani Roque.
View this post on Instagram
“Non-refoulement under the international law means number one, non-deportation until matapos ‘yung imbestigasyon if I’m entitled to an asylum status, and number two, non-prosecution for illegal entry,” dugtong pa niya.
“Pero legal naman ang pagpasok ko dahil may visa ako,” ani Roque.
Patuloy pa niyang pagdepensa sa sarili, “Naniniwala ako na yung warrant of arrest ng Kamara de Representante ng World Committee ay malinaw na ebidensya ng hindi makatarungang pag-uusig.
“Kasi dito sa Europa, unheard of ang isang warrant of arrest na walang hanggan ang bisa, walang piyansa, at halatang bahagi ng imbestigasyon sa Philippine Offshore Gaming Operators (POGO) na pilit nilang iniuugnay kay dating Pangulong Duterte,” esplika ni Roque.
“Malinaw para sa akin ang motibong politikal sa likod ng imbestigasyon sa POGO. Sinasabi ng World Committee na si Duterte ang nag-legalize ng POGO kahit na matagal na itong umiiral mula pa noong administrasyong Aquino.
“Kampante ako na mapatutunayan ko ang political persecution sa pamamagitan ng unjust prosecution ng World Committee,” pahayag pa niya.
Matatandaang isa si Roque sa naging legal advicer ni Duterte sa mga isyung may kaugnayan sa ICC noong kanyang administrasyon.
“Hindi po nila pwedeng ipagkait na ngayong narito na ang kaso ni Duterte, isa sa mga dahilan kung bakit nila ako ginigipit ay para mawala ng legal representation ang Presidente,” sabi ni Roque.
May standing arrest order si Roque matapos tumangging dumalo sa House inquiry para sa isyu ng Philippine Offshore Gaming Operators o POGO.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.