Baron Geisler pumalag: Kung kailan nakaahon na ‘ko, may ganyan?
PUMALAG ang batikang aktor na si Baron Geisler patungkol sa mga lumabas na balita hinggil sa fake news na kumalat kamakailan patungkol sa kanya.
Ito ay may kaugnayan sa umano’y pagkakaaresto sa kanya dahil sa public disturbance dulot ng kalasingan sa Mandaue City, Cebu.
Nauna na ngang nag-post noon sa kanyang Facebook page si Baron para pabulaanan ang maling impormasyon na kumakalat laban sa kanya.
“Breaking my silence. There’s a lot of misinformation circulating, especially from news outlets that failed to verify the facts before reporting. Irresponsible journalism has blown things out of proportion, creating unnecessary confusion.
Baka Bet Mo: Baron hindi totoong nakulong: ‘I’m OK and I’m seeking legal advice’
View this post on Instagram
“I want to make it clear—I’m okay, and I’m seeking legal advice to address this properly. To those who continue to stand by me, thank you. Your support means everything,” saad ni Baron.
Bukod sa Facebook post ni Baron ay naka-chat rin siya ng showbiz insider at talent manager na si Ogie Diaz.
Paliwanag ng aktor, hindi niya alam kung ano ang dahilan kung bakit naungkat muli ang isyu.
Para sa mga hindi aware, ang kumalat na chika kamakailan tungkol kay Baron ay nangyari noon pa at mga lumang larawan ang kumalat noong kasagsagan ng pag-aaway nila ng mag-asawa na si Jamie Evangelista.
“Kung kailan naman nakakaahon na ako, saka pa may ganyan?” giit pa ng aktor.
Dahil raw sa mga kumakalat na fake news tungkol sa kanya ay marami naman ang nabahala sa kanyang karakter sa “Incognito” dahil isa ito sa mga inaabangan talaga ng madlang pipol.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.