Kim Chiu hindi maitago ang pagka-in love kay Paulo Avelino, kilig pa more!
Paulo Avelino at Kim Chiu
TULAD ng nararamdaman ng KimPau fans, naniniwala rin kami na matagal nang magdyowa sina Kim Chiu at Paulo Avelino kahit pa sabihin nilang wala pa silang relasyon.
Base kasi sa titigan, hampasan sa hita at body language ng Kapamilya loveteam, feel naming they’re already playing beautiful music together.
Ilang beses binanggit nina Paulo at Kim na hindi pa nagle-level up ang kanilang special friendship pero inamin nilang mas naging close pa sila ngayon after magsama sa tatlong sunud-sunod na acting projects.
Pagkatapos nga nilang gawin ang magkasunod na Kapamilya series na “Linlang” at “What’s Wrong With Secretary Kim”, bibida uli ang tambalang KimPau sa kanilang first movie together, ang romcom na “My Love Will Make You Disappear.”
Sa naganap na presscon ng natutang pelikula mula sa Star Cinema na idinirek ni Chad Vidanes, talagang nagpasabog sila ng kilig at good vibes sa press at sa mga KimPau supporters na naimbitahan din sa event.
Baka Bet Mo: Albie Casiño na-inspire sa KimPau loveteam; pinuri sina Maris at Anthony
Tilian at palakpakan nga ang mga fans nang aminin ni Paulo na nagpadala siya ng bouquet of flowers kay Kim noong Valentine’s Day.
View this post on Instagram
“Yeah, may pinadala akong flowers (kay Kim),” ang pag-amin ni Pau.
Sa kanyang Instagram page ibinahagi ni Kim ang photo ng red, pink, and yellow roses na natanggap niya na may note card kung saan nakasulat ang kanyang name na “Kimberly.”
Umaga raw ng February 14 niya natanggap ang mga bulaklak, “Siyempre paggising mo, ‘Uy, Kim, may flowers ka daw.’ ‘Saan galing?'”
Ang akala raw kasi ng aktres ay galing kay Laurenti Dyogi, head ng ABS-CBN TV Production at Star Magic, ang natanggap na flowers.
Nang basahin niya ang note card ang nakasulat daw dito ay, “Happy Valentine’s Day. From Paulo.” Na ikinakilig naman daw niya.
“Yiiii,” ang panunukso ni Kim sa sarili sabay sing ng kantang “Dilaw” ni Maki, “Alam mo ba muntikan na sumuko ang puso ko. Sa paulit-ulit na pagkakataon na nasaktan nabigo. Mukhang delikado na naman ako.”
Super laugh naman si Kim sa panunukso sa sarili dahil talagang may pa-musical scoring pa siya sa naramdamang kilig habang smile-smile lang sa kanya si Paulo.
Samantala, makakasama naman ng KimPau sa “My Love Will Make You Disappear” sina Wilma Doesnt, Lovely Abella, Benj Manalo, Migs Almendras, Martin Escudero, at Karina Bautista.
Sey ni Kim, ito ang pagbabalik niya sa romcom film since 2015’s “All You Need is Pag-Ibig” kaya aniya, “It’s like a breath of fresh air.” Pero aminado siya na challenging din ang role niya sa movie dahil medyo mature na ang atake niya rito.
“Nakakatawa, maraming mapupulutan ng aral, and at the same time, susuntukin ka ng realidad ng buhay pagdating sa pag-ibig,” sey ni Kim.
Sabi naman ni Paulo after watching the trailer, “Sobrang bitin. Kumbaga naiisip ko ‘yung mga sinyut naming mga eksena. Napakarami pang magpapatawa, magpapa-kilig, and magpapagulat sa mga viewers natin.”
Mapapanood na sa mga sinehan ang “My Love Will Make You Disappear” simula sa March 26.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.