Andrea Brillantes handang-handa nang maging action star sa Batang Quiapo
Andrea Brillantes at Coco Martin
HANDANG-HANDA nang magpaka-action star ang Kapamilya actress-entrepreneur na si Andrea Brillantes sa pagsisimula ng bagong season ng “FPJ’s Batang Quiapo.”
Abot-langit ang pasasalamat niya sa Teleserye King at actor-director na si Coco Martin na nagbigay sa kanya ng chance na makasama sa number one teleserye ng ABS-CBN.
Aminado si Andrea na magkahalong nerbiyos, pressure at excitement ang nararamdaman niya ngayon sa panibagong challenge na haharapin niya sa kanyang acting career.
“I must admit I am feeling a bit pressured, pero I am more grateful than pressured. Kasi grabe ang mga kasama ko rito.
“Nai-starstruck din po talaga ako kasi mga icons at skilled veterans at nirerespeto ang mga pangalan nila kaya kinakabahan ako. But at the same time, hindi ko hahayaan na magpadala ako sa kaba na ‘yon,” ang pahayag ng dalaga sa “Tatak BQ: The FPJ’s Batang Quiapo 2nd Anniversary Special.”
Baka Bet Mo: Matteo ready nang maging daddy sa magiging baby nila ni Sarah: ‘By the end of the year, pag-pray natin na makabuo na’
Pagpapatuloy ni Andrea, “I will make sure to put it into good use and make that pressure into motivation to be better. And hindi ko ini-expect, siyempre I’m not really at par with everyone here.
View this post on Instagram
“But with this I’m excited to see kung maggo-grow ba ako sa an actor. Kasi iba ‘yung experience dito sa BQ. Excited po ako for what’s to come for me. And thank you so much po direk Coco, thank you,” aniya pa.
Matagal na raw niyang gustong sumabak sa aksyon, “I am very much ready, matagal ko na rin po actually nire-request na gusto ko mag-action.”
Bago mapasama sa “Batang Quiapo,” nagbida na rin si Andrea sa mga hit Kapamilya series na “High Street” at sa sequel nitong “Senior High.”
Samantala, naikuwento ni Coco na talagang sinabihan siya ni Andrea na gusto nitong mag-guest sa “Batang Quiapo.”
“Kinukuwento ko nga lagi every time na ini-interview ako, nangyari kasi sa buhay ko ‘yung nagsisimula ako puro rejection. Kaya sabi ko nga ngayong dumating ito, ‘yung kakayanan na kahit paano ay makatulong sa kapwa ko artista o kung hindi man sa mga artista, sa mga staff or crew, eh hindi ko pinagdadamot.
“Kaya kapag may lumapit sa akin, kunwari like si Andrea, nag-usap lang kami sa birthday ni Tita Cory (Vidanes). Sabi niya, ‘Pa-guest naman sa ‘Batang Quiapo.’
“Sabi ko, ‘Gusto mo ba? Sige.’ Akala niya wala lang ‘yon. After that, kinabukasan pinaayos ko agad ‘yung script, inaayos ko agad ‘yung kuwento, pinatawagan ko agad siya. Hindi siya makapaniwala. Kaso lang that time, si Andrea may mga schedule kaya hindi natuloy,” aniya pa.
Bukod kay Andrea, ang iba pang bagong makakasama sa serye ay sina Angel Aquino, Jake Cuenca, Albie Casiño, Juan Rodrigo, Paolo Paraiso, Gillian Vicencio, Shamaine Buencamino, Michael de Mesa, Albert Martinez, Dante Rivero, Chanda Romero, at Celia Rodriguez.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.