Alex Gonzaga super thankful kay Toni Gonzaga: I love you sisss!

PUNUNG-PUNO ng pagmamahal ang naging birthday greeting ng TV host-vlogger na si Alex Gonzaga para sa kanyang ate na si Toni Gonzaga.

Kamakailan kasi ay ipinagdiwang ng singer-actress ang kanyang kaarawan.

Kaya naman hindi nagpahuli si Alex at nag-post ito ng kanyang birthday greeting para kay Toni sa Instagram kalakip ang video ng kanilangmga moments together.

“Happy birthday ate. Thank you for being the best big sister. Kahit dalawa na anak mo, lagi mo pa rin ako iniisip at inaalagaan.

Baka Bet Mo: JC de Vera na-offend sa ginawa ni Alex Gonzaga: Nagulat talaga ‘ko!

 

View this post on Instagram

 

A post shared by Bandera (@banderaphl)

“Kapag super malungkot na talaga ikaw una magbibigay sakin ng hope. Witnessing your strength and resilience firsthand will always inspire me,” pagbati ni Alex sa kanyang ate.

Ibinahagi rin nito na nasa next level na ang kanilang turingan bilang magkapatid matapos ang kanyang naging pagharap sa pagsubok na hindi na nito binaggit kung ano.

“Last year, we unlocked a new level of sisterhood and I’m so grateful that we truly have each other’s backs,” sey pa ni Alex.

Happy rin siya dahil alam na raw ng kanyang ate kung paano siya pasasayahin kapag mayroon siyang pinagdaraanan.

“At masaya ako alam mo na paano ako pasayahin nagsesend ka video ni polly at kapag sobra na ang pinagdadaanan ay nagkekwento ka nalang ng chismis dahil sabi mo ‘para sumaya ka, may kwento nalang ako sayo kaya talagang masasabing I love you sisss and the family you built. I will always root and pray for your joy and happiness!” dutong pa ni Alex.

Reply naman ni Toni sa post ng kapatid at sinabing, “Happy birthday! Thank you for visiting me today…”