Moira nagtanggal ng profile picture, sey ng netizens: Mananakit ka na naman?!
MARAMI ang nag-react matapos mamataan ang pagtatanggal ng profile picture ng singer-songwriter na si Moira dela Torre sa kanyang social media accounts.
Nitong Lunes, October 28, namataan na naka-default na ang kanyang profile picture.
Kaya naman hindi maiwasan ng madlang pipol na magtaka kay Moira kung may problema o pinagdaraanan ba ito dahil sa nangyari.
Agad ngang umani ng samu’t saring reaksyon mula sa netizens ang pangyayari at iba’t ibang hinuha ang naglabasan.
Baka Bet Mo: Moira dela Torre wala munang pake sa lalake; nangwasak na naman ng record
View this post on Instagram
Ang iba ay dinogshow ang ginawa ni Moira at tila iniisip na mukhang may niluluto itong bagong kanta at parte ang pagtatanggal ng profile picture para umingay ang kanyang gagawin.
Kilala kasi ang singer sa kanyang mga senti at mapanakit nitong mga kanta.
“Song title: CANNOT BE REACHED,” saad ng isang netizen.
Comment naman ng isa, “Welcome back to the sadgurl era, Moira! We’ll support you. Magpapa-broken kami kahit wala naman kaming jowa/ex.”
“Broken ka na naman? Dadamay mo na naman kami?? Sasaktan mo na naman kami??” sey pa ng isa.
“Aabangan na ba namin ang 10 minutes version ng Malaya?” hirit pa ng isa.
Maging ang kanyang Instagram page ay makikitang wala rin itong profile picture kaya mas marami tuloy ang nagtataka kung ano ang pinagdaraanan ni Moira.
Samantala, wala pa namang inilalabas na pahayag o paglilinaw ang singer-songwriter tungkol sa pangyayari.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.