Geraldine Jennings napalaban ng halikan kay Jameson sa ‘Isla Babuyan’
Geraldine Jennings, Dave Bornea, Jameson Blake at Ogie Alcasid
HINDI na kami magtataka kung one day ay maging big star din sa entertainment industry ang baguhang singer-actress na si Geraldine Jennings.
Kering-keri ni Geraldine ang kumanta at umakting at in fairness, magkasabay niyang pino-promote ngayon ang kanyang bagong single na “If I Will Ever Love Again” at ang launching movie niyang “Isla Babuyan.”
Ang “If I Will Ever Love Again” ay isinulat ng OPM icon at Ultimate Singer-Songwriter na si Ogie Alcasid under Star Music at available na sa iba’t ibang streaming platforms.
Baka Bet Mo: Geraldine Roman ikinumpara kay Heart Evangelista: ‘Grabe, I’m touched! Kulang na lang talaga sa buhay ko ay keso’
Malapit na ring ipalabas ang pelikula ng half-Filipina, half-British artist na “Isla Babuyan” kasama ang leading man niyang si Jameson Blake. Ka-join din sa movie sina Paolo Gumabao, Dave Bornea, Lotlot de Leon at James Blanco.
View this post on Instagram
Ang “Isla Babuyan” ay mula sa direksyon ni Abdel Langit at isinulat ni Jessie Vilabrille, under Solid Gold Entertainment Production at LVD Talent Management (na pag-aari ng yumaong manager ni Geraldine na si Leo Dominguez). Co-producers are Gina Jennings and Yohann Soyangco.
Ayon kay Geraldine, nalulungkot lang siya dahil wala na ang manager niyang si Leo Dominguez at hindi na nito nasaksihan ang mga nangyayari ngayon sa kanyang career.
Sa presscon ng “Isla Babuyan” kinumusta ang naging experience niya sa kanyang first movie, “May mga eksena na parang dramatic. Initially, nahirapan ako sa dramatic scenes.
“Si Miss Lotlot de Leon ang co-actress ko and na-feel ko yung emotions niya so parang na-feel ko rin. After two days, three days, sanay na ako. Mas natural na ang acting ko,” aniya pa.
“Marami akong mga acting workshop in the US sa West Hollywood. I did it for one year.
View this post on Instagram
“Then I had an acting workshop with Jo Macasa, a well-known acting coach here. I had it with her siguro for four months. I really felt prepared naman,” pahayag pa ng dalaga.
Kasunod nito, todo pasalamat din si Geraldine kay Ogie Alcasid na siya ngang nag-compose ng debut single niyang “If I Will Ever Love Again,” na ginamit ding official soundtrack ng “Isla Babuyan.”
Samantala, tinanong din ang singer-actress sa tambalan nila ng Kapamilya actor na si Jameson Blake sa launching movie niya.
Napakagaling daw ng binata pagdating sa aktingan at inalalayan din daw siya nito sa kanilang kissing scene, “And mabango po siya.”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.