Kathryn Bernardo, Kaila Estrada
TILA naging pambato ng ating bansa ang dalawang aktres na sina Kathryn Bernardo at Kaila Estrada sa Asian Academy Creative Awards 2024.
Sila kasi ang “national winners” sa nasabing awarding event –nakuha ni Kathryn ang Best Actress in a Leading Role, habang si Kaila ang Best Actress in a Supporting Role.
Para sa kaalaman ng marami, ang national winners ay considered na nominado sa nasabing event na kung saan ang makakalaban nila ay mula sa iba’t-ibang bansa.
Mangyayari ang awarding ceremony sa Singapore sa darating na December 3 at 4.
Anyway, ang pagkilala kay Kathryn ay dahil sa mahusay niyang pagganap bilang Philomena Angeles sa 2023 black comedy thriller film na “A Very Good Girl,” habang si Kaila ay napansin dahil sa kanyang magaling na performance bilang Sylvia Lualhati sa thriller drama series na “Linlang.”
Baka Bet Mo: Kaila Estrada hindi nape-pressure bilang ‘anak ni Janice’: My mom is a legend, I have a long way to go…
Nakuha rin ng nabanggit na serye ang Best Drama Series, at si JM de Guzman na isa sa tampok nito ay nagwagi ng Best Actor in a Supporting Role.
Bukod diyan, ang TV and movie director na si Mae Cruz-Alviar ang Best Direction dahil sa “Can’t Buy Me Love” na pinagbibidahan nina Belle Mariano and Donny Pangilinan.
Ang Philippine adaptation naman nina Kim Chiu at Paulo Avelino na “What’s wrong with Secretary Kim?” ay magiging pambato naman para sa kategoryang Best Adaptation of an Existing Format.
Ilan pa sa mga ABS-CBN shows na-recognize ay ang “ASAP Natin ‘To Live in Milan” para sa Best Music or Dance Program at ang “It’s Showtime” na naging Best General Entertainment Program.
Narito naman ang listahan ng GMA programs at personalidad na hinirang na national winners:
“The Voice Generations”: Best Adaptation of an Existing Format (Non-scripted)
“iBilib”: Best Children’s Program
“Pulang Araw”: Best Promo or Trailer
“Reporter’s Notebook – Ipiw’s School Chair”: Best Documentary Program (One-Off)
GMA Integrated News – “Ravaged by El Niño”: Best Documentary-Series
GMA Integrated News – “24 Oras Best”: News or Current Affairs Program
One at Heart Jessica Soho – “If Looks Could Kill”: Best Infotainment Program
“Biyahe ni Drew: Let’s Go to Oriental Mindoro”: Best Lifestyle Program
Dingdong Dantes (“Family Feud”): Best Entertainment Host
“Pepito Manaloto, The Story Continues”: Best Comedy Program
“Firefly” (Angeli Atienza)” Best Screenplay
Michael V (“Pepito Manaloto, The Story Continues”): Best Actor/Actress in a Comedy Role
Kokoy De Santos (“Your Mother’s Son”): Best Actor in a Leading Role
Heto ang iba pang winners sa ating bansa:
Best Branded Program: “Secret Ingredient” (Viu)
Best Documentary: History Public Eye (PTV Network)
Best Factual Presenter: Cathy Yang (“Thought Leaders” – One News Cignal TV)
Best Single News Story/Report: “Clash in the South China Sea” (BBC News)
Best Original Production by a Streamer-Fiction: “Secret Ingredient” (Viu)
Best Feature Film: “Your Mother’s Son” (Idea First)
Best Short Form Drama: “Primetime Mother” (Sonny Calvento)