PHOTO: Instagram/@krishnahgravidez
NAGLABAS ng public apology si Miss World Philippines 2024 Krishnah Gravidez dahil sa viral video na “Guess the Bill Challenge.”
Sa Instagram, ibinandera ng beauty queen ang isang mahabang mensahe na ipinapaliwanag ang nangyari, pati na rin ang paghingi niya ng sorry.
Ayon kay Krishnah, katuwaan lang ang ginawa nila sa video pero napagtanto rin niya na iba ang naging dating nito sa iba.
Iginiit niya na isa siyang “invited guest” at hindi totoong binayaran niya ang buong bill ng kinainan nilang restaurant.
“I was merely an invited guest and had no involvement in the choice of venue or the handling of the bill but I fully understand the impact the video may have had and the assumptions it has generated,” sey niya sa pahayag.
Baka Bet Mo: Anak ni Kuya Kim bugbog-sarado sa P133k ‘guess the bill’ challenge
Patuloy ng Miss World Philippines titleholder, “Please allow me to clarify that I did not pay the said amount and in no way was my participation on the video meant to promote or glorify an extravagant lifestyle.”
Sinabi niya rin na nakikiisa siya sa maraming mahihirap na Pilipino at ang napanood sa deleted video ay hindi niya tunay na katauhan.
“I genuinely empathize with the struggles that many Filipinos face on a daily basis, and I would never want to come across as insensitive or unaware of these harsh realities. The persona which how I was viewed in the video is not a reflection of who I am or the values I uphold,” lahad ni Krishnah.
Inamin niya na sobra siyang nagsisisi sa nangyari at dahil daw diyan ay inaako niya ang nagawang pagkakamali.
“As Miss World Philippines 2024, I am fully aware of my role and the responsibilities that come with it, especially in aligning with the organization’s advocacy for charity and compassion. This experience has been a humbling reminder of the importance of being mindful of my actions, both in public and in private,” sambit ng beauty queen.
Wika niya, “I am truly sorry for any unintended harm, and I promise to be more cautious and reflective in the future, especially with regards to my presence on social media.”
“Thank you to everyone who continues to support me, and I hope to move forward from this incident with more wisdom and grace,” aniya pa.
Sa comment section, maraming fellow beauty queens ang nagpaabot ng suporta kay Krishnah.
Kabilang na riyan sina Franki Russell, Michelle Arceo, Jasmine Paguio, at CJ Opiaza.
“Queen you did nothing wrong, we love you and you’re the most genuine person I know,” lahad ni Michelle.
Komento ni Jasmine, “Will always support you and your beautiful soul! [blue heart emojis]”
Ani ni CJ, “We love you, Krish [heart hands emoji] We know you better than anybody else.”
Magugunitang hindi nagustuhan ng maraming netizens ang video ng anak ni Kuya Kim na si Emmanuelle Atienza kasama ang kanyang mga kaibigan, kabilang na si Krishnah na ibinabalandra umano ang kanilang yaman sa publiko.
Deleted na ang viral video, pero mapapanood doon na hinulaan ng magkakaibigan ang kabuuang bill sa restaurant.
Ang challenge, kung sino ang makakahula ng pinakamalapit na presyo ang siyang magbabayad.
Ang hula ni Krishnah ang pinakamalapit sa halagang P133,423.99 at makikita na binayaran niya ang resto using her card bilang “parusa” sa ginawa nilang challenge.
Samantala, nauna nang ipinagtanggol ng Miss World Philippines Organization ang kinasangkutang isyu ni Krishnah at tiniyak na hindi sumasalamin sa totoong ugali nito ang naturang video.
Sinisiguro rin ng organisasyon na patuloy na ipapamalas ng dalaga ang values na pinapahalagahan nila.