Ivana Malawi
NANINIWALA ang Kapamilya actress at sexy vlogger na si Ivana Alawi sa maaaring maging epekto ng “Ghost Month” sa mga tao.
Matagal ng kapaniwalaan, base sa pag-aaral ng feng shui, na ang “Ghost Month” ay may dalang kamalasan o masamang balita sa sinumang magagambala nito.
Ito raw ay ang panahon kung kailan nagbubukas ang pinto ng impiyerno at nakakagala ang mga masasamang espirito, na nangyayari tuwing buwan ng Agosto, ayon pa rin sa mga feng shui expert.
Baka Bet Mo: Martin Nievera feeling ‘malas’ kaya hindi kinukuhang judge sa mga singing contest ng ABS-CBN
Sabi ni Ivana, tulad ng ibang Filipino-Chinese, may mga ginagawa o sinusunod din siyang paraan tuwing sasapit ang panahon ng “Ghost Month,” bilang pag-iingat na rin sa maaaring mangyaring hindi maganda.
“I’d rather follow kung ano ‘yung mga bawal, just to be careful. Kunwari, may bibilhin ako na lupa o kung ano man, ay hindi ko gagawin ngayong August.
“September ko na siya gagawin because, sinusundan ko lang siya, not because hindi naman ako super naniniwala pero sumusunod lang ako,” esplika ng content creator sa isang interview.
Sa tanong kung isa rin ba siya sa milyun-milyong Pinoy na naniniwalang meron talagang malas at suwerte.
Baka Bet Mo: Feng shui expert may ‘warning’ kina Ria Atayde at Zanjoe Marudo
“Naniniwala ako yes. I think it’s what you manifest, kunwari mina-manifest mo na ‘ay ang malas naman, baka malasin ako dito, or baka ito ‘yung mangyari’, mangyayari at mangyayari talaga siya.
“But if you are always positive or dedma ka talaga, maganda ‘yung mangyayari,” sey pa ng dalaga.
Hindi rin itinago ni Ivana na kumukonsulta rin siya sa mga feng shui experts kung paano makakaiwas sa kamalasan.
“Naka-feng shui ako, meron akong feng shui master. Tapos may mga crystals din, naglalagay sila sa house.
“Naka-feng shui even ‘yung move in date ko (sa bahay), naka-feng shui sa kung anong oras o kung anong araw (dadalhin o aayusin),” sabi pa ni Ivana.
“Ako sa mga kaibigan kasi ‘yung mom ko, hindi naman masyado naniniwala siya.
“Hindi siya aware sa mga feng shui dati kunwari sa mga puwesto ng salamin, ako naman sa mga itinuturo lang rin ng mga kaibigan natin,” aniya pa.