Gabbi bibida sa Hollywood film kasama ang British actor na si Scott Adkins
PHOTO: Instagram/@gabbi
IBANG level ang upcoming project ng Kapuso actress na si Gabbi Garcia!
Bibida kasi siya sa international film na pinamagatang “Death March” kasama ang Hollywood actor na si Scott Adkins.
Sa Instagram, excited na pinasilip ni Gabbi ang pinagkakaabalahang bagong proyekto na kung saan ay may picture sila ni Scott na tila sabay na binabasa ang kanilang script.
“Working on something with [Scott Adkins]. ‘Death March’ coming soon!” caption niya sa post.
Baka Bet Mo: Kim napakaangas sa Batang Quiapo, pang-Hollywood ang awrahan
View this post on Instagram
Sa comment section, maraming fellow Kapuso celebrities ang humanga at bumilib kay Gabbi, kabilang na riyan sina Rocco Nacino, Sam YG, Chariz Solomon at Rodjun Cruz.
Sey ni Rodjun, “Solid @gabbi congrats [party popper, clapping hands emojis] Idol yan Yuri Boyka [fire emoji] @thescottadkins.”
Biro naman ni Sam, “Shet si deadpool!!”
Reply sa kanya ni Gabbi, “@_samyg pssstt huyyy maliiiiiii”
Komento naman ni Rocco, “Wow!!! Pls hug Scott Adkins for me @gabbi!! Idol yan!”
Wika naman ni Chariz, “Congrats @gabbi!!! Reprezeeeent [salute emojis]”
Wala pang detalye tungkol sa “Death March,” pero ito ay mula sa direksyon ni Louis Mandylor at produced by Odyssey Motion Pictures.
Ang upcoming movie ay iikot sa istorya ng isang Special Air Service soldier sa kasagsagan ng World War II.
Para sa mga hindi aware, si Scott ay bumida at tumampok sa ilang action films katulad ng “Undisputed II: Last Man Standing” (2006), “Undisputed III: Redemption” (2010), “Boyka: Undisputed” (2016), “Universal Soldier: Day of Reckoning” (2012) at “John Wick: Chapter 4” (2023).
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.