Eruption naloka sa ‘Last Supper’ parody ng Paris Olympics, Rica nagtaka
Eruption, ‘The Last Supeer’ parody, Rica Peralejo
NAGLABAS na rin ng opinyon ang ilang Pinoy celebrities hinggil sa kontrobersyal na opening ceremony sa 2024 Paris Olympics.
Magugunitang mainit na pinag-uusapan all over the universe ang “The Last Supper” parody umano na tampok ang drag queens.
Marami ang nagsasabi na ginaya umano nila ang isang biblical scene ni Jesus Christ kasama ang 12 apostol na nagsasalo-salo sa huling pagkain bago ang pagpapako sa krus.
Mapapanood din sa nasabing performance na may transgender model at nakahubad na singer na nag-ala Greek God of Wine na si Dionysus.
Sa pamamagitan ng Facebook, ibinandera ni Eric “Eruption” Tai ang kanyang reaksyon matapos mapanood ang nasabing performance.
Baka Bet Mo: ‘Last Supper’ parody ng Paris Olympics binatikos, organizers nag-sorry
“I was excited watching the Olympics…UNTIL I SAW THIS???? And there is a child there too!!! WHYYY???” panimulang caption niya na tila lokang-loka sa kanyang nakita.
Sey pa niya, “As a national athlete and follower of Jesus Christ, it is a disgrace to see such evil displayed publicly! Especially at a prestigious world celebrated event like the Olympics.”
“This is absolutely nerve racking and heart breaking! The world lost today! [sad face emojis],” aniya pa, kalakip ang hashtag na “God will not be mocked.”
Pahabol pa ni Eruption sa comment section, “There are millions of other ways to entertain the world or ‘pasayahin ang tao’ why this way.”
Nagtataka naman ang veteran actress na si Rica Peralejo sa mga naging reaksyon ng marami dahil hindi naman daw mukhang “The Last Supper” ang nasabing parody dahil ang ginaya ng mga ito ay ang “Feast of Dionysus” na angkop naman daw sa olympics.
“Kaya pala no matter how much I look at it hindi naman Last Supper yung efek sakin [laughing emoji] and here are the Christians being so outraged and honestly, this makes the Christian faith talaga look unthinking and unreasonable more than ever! [laughing emoji],” sambit niya sa Threads.
Patuloy pa niya, “If true talaga this, time na for the Christians to think talaga of how people can believe in us when we keep representing the faith as reactionary. Reacts before thinking. Enraged before understanding. Others then would automatically think the faith is for fools! And the saddest part is I cannot blame them.”
PHOTO: Screengrab from Threads/@ricaperalejo
Kasunod niyan, inamin ni Rica na hindi siya apektado bilang isang Christian sa kontrobersyal na performance.
“I was not, at all, affected as a Christian for so many reasons but when I saw it I was a bit confused because it felt like it wasn’t something that matched the whole Olympic vibe as I know it haha! Parang mas pang Superbowl-ish siya than Olympics,” dagdag niya.
Ani pa ng celebrity mom, “But then again in past years parang nagiging show/entertainment na din talaga yung Olympics.”
PHOTO: Screengrab from Threads/@ricaperalejo
Nauna nang humingi ng sorry ang organising committee ng 2024 Paris Olympics matapos batikusin ng maraming Katoliko, Christian groups at conservative politicians mula sa iba’t-ibang bansa.
“Clearly there was never an intention to show disrespect to any religious group. [The opening ceremony] tried to celebrate community tolerance,” wika ng Paris 2024 spokesperson na si Anne Descamps sa isang press conference.
Aniya pa, “We believe this ambition was achieved. If people have taken any offense we are really sorry.”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.