NAGSALITA na ang Kapamilya actress na si Jane de Leon tungkol sa tunay na namamagitan sa kanila ng Kapuso actor na si Rob Gomez.
Sa kanyang naging panayam sa ABS-CBN News noong Biyernes, July 19, itinanggi ng aktres na may relasyon sila ng aktor.
“Sadyang no’ng time na may na-upload ako—minsan na nga lang mag-upload sa Instagram, ano ba ‘yan!—nahagip ‘to si Rob. And then hindi namin alam na nagka-article na kami,” pagbabahagi ni Jane.
Aniya, nahiya rin siya sa aktor dahil sa nangyari.
Baka Bet Mo: Jane de Leon, Rob Gomez magkasama sa Taiwan, ano kaya ang real score?
JANE AND ROB TOGETHER?
CURIOUS ang ilang netizens sa tunay na relasyon ng aktres na si Jane De Leon at aktor na si Rob Gomez.
Ito ay matapos makitang magkasama silang dalawa sa isang restaurant sa Taipei, Taiwan.
MAKI-CHIKA: https://t.co/fzkNM5nNMB pic.twitter.com/PcMZYd6y6S
— Bandera (@banderaphl) July 1, 2024
“So, I feel bad lang din kay Rob kasi nagso-sorry siya sa akin. Sabi niya sa akin: ‘Jane, nadamay ka pa,” kuwento pa ni Jane.
Matatandaang na-issue ang dalawa matapos mag-upload ng Kapamilya aktres ng video nila habang kumakain ng ramen sa Taiwan.
“So to set the record, Jane, walang namamagitan sa inyo?” tanong ni ABS-CBN resident showbiz forecaster Gretchen Fullido.
Diretsang sagot ni Jane, “Wala”.
Nananatili namang single at ready to mingle sa kasalukuyan ang Kapamilya “Darna”.
Kamakailan naman ay muling kinilig ang fans matapos magsama nina Jane at Janella Salvador sa isang music video na ipinalabas sa nagdaang selebrasyon ng Prode Month.