G22, VXON, AJAA, YML patalbugan sa Style Conquest 2024 fashion show

PHOTO: Courtesy of Sean Jimenez

MULA sa pagtatanghal sa entablado, hindi rin magpapakabog sa pagrampa ang ilang Pinoy pop stars!

Tampok kasi sila sa matagumpay na “Style Conquest 2024” fashion show.

Nangyari ang event noong June 30 sa Green Sun Hotel sa Makati City kung saan ibinandera ng ilang industry veterans at new designers ang mga bonggang collections nila.

Nagkaroon ng dalawang shows sa araw na ‘yan at ang naabutan ng BANDERA ay ang evening show na nagsimula ng 8 p.m.

Baka Bet Mo: ‘Rampa Manila 2’ ibabandera ang impluwensiya ng Divisoria sa Pinoy fashion

Twelve designers ang nagpakita ng kanilang unique style pagdating sa latest fashion trends.

Kabilang na riyan sina Kein Dumlao, Miguel Rosario, Basil Malicsi, Nash August, Edrick Paz, at Emanuel Riñoza.

Pati na rin ang iAcademy Fashion Design graduates na nag-debut ng kanilang collections na sina Joanna Santos, Jannah Collado, Abby Fernandez, Ellyn Denubo, Megan Davies, Elene Mariano.

At siyempre, lalong nagbigay-buhay sa runway ang P-Pop groups na pak na pak sa kanilang unique look!

Present diyan ang G22, VXON, AJAA at YES MY LOVE (YML), pati na rin ang Viva artist na si Rabin Angeles.

Para sa kaalaman ng marami, ang “Style Conquest” ay isang platform na nagbibigay ng oportunidad, lalo na sa mga baguhang designers.

“This event embodies inclusivity and artistic freedom, celebrating the innovative spirit of all designers,” saad sa isang pahayag.

Patuloy pa, “‘Style Conquest 2024’ was a testament to the creativity and innovation of both the iAcademy graduating fashion designers and the broader fashion community.”

“As the event concluded, the excitement and inspiration it generated continued to resonate, promising a bright future for these talented designers and the industry as a whole,” ani pa.

Ayon sa organizers, ang “Style Conquest” fashion show ay magbabalik sa darating na Oktubre upang muling ibandera ang pinakabagong fashion trends at look.