Pia na-‘stuck’ sa elevator, pero todo-awra pa rin sa 4 fashion events
PHOTO: Screengrab from Instagram/@piawurtzbach
WALANG makakapigil kay Miss Universe 2015 Pia Wurtzbach sa pag-awra sa fashion events, kahit siya ay na-stuck sa isang elevator sa Paris.
‘Yan ang ibinahaging unforgettable experience ng beauty queen sa nakaraan niyang fashion event.
Malapit na kasi ang fashion week season kaya napa-throwback si Pia sa kanyang kauna-unahang Couture Week.
“The memories flood in – from elevator mishaps to barely making it on time. Amidst the fun and chaos, my team and I found joy in shared laughs, fun meals and hurried outfit changes in the car,” caption niya sa isang Instagram post.
Chika pa ni Pia, “This Couture Week marked a special milestone for me (it was my first [red heart emoji]) — immersed in the breathtaking gowns, intricate details, and sheer opulence that kept me excited and fully immersed in the whole experience.”
Baka Bet Mo: Pia proud na proud sa natanggap na ‘Global Fashion Influencer’ award
Sa Instagram video, mapapanood na excited na si Pia sa first day ng kanyang fashion week kung saan apat ang dadaluhan niyang events.
“We’re back in Paris and it’s Couture Week,” sey niya sabay pakita ng ilang moments sa kanyang pag-rampa at pag-awra.
“First day, I found out that we’re doing four shows. I’ve never done four, so I’m bracing myself. I know that two sounds a lot,” kwento niya nang biglang mag-error umano ang pinipindot niya sa loob ng elevator.
Tila naloka siya kung ano ang nangyari at sinabing: “What’s going on?”
“No way! We’re stuck for real and we need to go to a show now!” sey ni Pia nang malaman niyang na-stuck talaga sila sa loob ng elevator kasama ang kanyang staff.
Mapapanood din na halos sumalampak na sa sahig si Pia habang naghihintay ng rescue sa kanila.
Nakuha pa ngang magbiro ng beauty queen sa gitna ng insidente at nagkunwaring nagbe-breakdown: “Ayoko na! Ayoko na!,” at sabay sabing: “Charot.”
Hindi naman nagtagal ay biglang bumukas na ang pintuan ng elevator at biglang ipinakita ang ilang clips na kabog na kabog sa pagrampa si Pia na tila walang nangyari.
“Kunwari I didn’t stuck in an elevator this morning,” sambit niya.
View this post on Instagram
As of this writing, wala pang isang araw ang video post na ‘yan ni Pia, pero umaani na ito ng mahigit one million views.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.