Rabiya Mateo, SB19 Stell at Julie Anne San Jose
INGAT na ingat na ngayon ang Kapuso actress-TV host na si Rabiya Mateo sa paghawak sa kanyang finances lalo na sa pagpasok sa negosyo.
E, kasi nga, naloko at nagoyo na siya ng kanyang business partner na isang investment scam pala at aabot daw sa P1 million ang nawala sa kanya.
Baka Bet Mo: SB19 Stell sa tumawag sa kanya ng ‘panget’: Hindi naman ako nasaktan
Ayon sa dating beauty queen, base sa ulat ng “Balitanghali” sa GTV, nine months na ang itinatakbo ng kanilang partnership bago niya nadiskubre ang ginagawang panloloko sa kanya ng business partner.
Grabe raw ang sakit at stress na naranasan niya nang malamang napunta lang sa wala ang perang pinaghirapan niya. Hindi naman nabanggit ng aktres kung nabawi pa niya ang kanyang pera o kung nagsampa siya ng demanda.
Ang nasabi lang ni Rabiya ay isang napakalaking lesson para sa kanya ang nangyari kaya naman mas naging maingat na siya sa pagpasok sa negosyo para hindi na ma-scam uli.
Samantala, mapapanood na uli very soon si Rabiya sa upcoming primetime series na “Pulang Araw” na pinagbibidahan nina Alden Richards, Sanya Lopez, Barbie Forteza, David Licauco at Dennis Trillo.
* * *
Answered prayers, sabi nga ng mga fans, dahil sa unang pagkakataon, magsasama sa isang concert stage sina Asia’s Limitless Star Julie Anne San Jose at Stell ng SB19 para sa “Julie X Stell: Ang Ating Tinig” concert.
Gaganapin ito sa July 27 at 28, 8 p.m. sa New Frontier Theater.
Sey ng kanilang supporters, can’t wait na sila sa big event na ito dahil paniguradong maraming sorpresa at pasabog ang inihanda para sa first-ever concert nina Julie at Stell na produced ng GMA Synergy, GMA Entertainment, at 1Z Entertainment.
Bukod sa pangmalakasang performances, excited na silang ma-entertain muli sa kulitan at playful banters ng dalawa na talaga namang kinagiliwan nila simula pa “The Voice Generations.”
“OMG I’ve been waiting for this. Fast forward to July 27-28 please,” komento ng isang netizen.
Sey naman ng isang fan, “Mahal ko kayong dalawa. At mamahalin at mamahalin pa.”
“Hindi ko ito palalagpasin! Na-miss ko na ‘yung kakulitan ninyo sa The Voice. Good luck Coach Julie at Coach Stell!” comment ng isa pa.
Ready na ba kayo sa soundtrip courtesy of Julie and Stell? Available ang tickets ng “JulieXStell: Ang Ating Tinig” sa mga TicketNet outlets nationwide o through ticketnet.com.ph.