PHOTO: Instagram/@mikaeldaez
TINULDUKAN na ni Megan Young ang kumakalat na chikang buntis siya sa first baby nila ni Mikael Daez.
Kamakailan lang kasi, naging agaw-pansin ang recent Instagram video ng couple na nasa Boracay Island at may pino-promote na mga sunscreen product.
Maraming netizens ang nag-react sa nasabing post at sinabing mukhang nagdadalang-tao na ang beauty queen.
Tila hindi pinansin ng mag-asawa ang mga naging komento, pero sa latest video ni Megan ay sinagot na niya ang tila tanong ng mga Marites.
Baka Bet Mo: Megan ibinuking kung ano’ng ginagawa ni Mikael kapag nag-aaway sila: ‘Nainis talaga siya at ayaw niya ako tingnan!’
Ibinandera ng aktres ang kaparehong beach trip nila ng mister na pine-plex naman ang isang thermal flask brand nang may isang IG user ang nagsabing, “Preggy ka na, Meg.”
Nag-reply sa kanya si Megan at ang kanyang sagot: “Busog lang,” kalakip ang isang grinning face with sweat emoji.
PHOTO: Screengrab from Instagram/@meganbata
Baka Bet Mo: Megan Young, Mikael Daez 3 years nang kasal, pero bakit nga ba wala pa rin silang baby hanggang ngayon?
Kung matatandaan noong 2022 nang mag-open up ang celebrity couple kaugnay sa pagkakaroon ng anak.
Inamin ng beauty queen na marami ang nagtatanong sa kanila kung may plano silang magka-baby.
Ang tugon niya riyan, “If we have kids, then we have kids. If we don’t, we don’t. If I get pregnant, okay, and if not, then we just continue living life.”
Taong 2010 nang unang nagkakilala ang mag-asawa sa isang fashion event kung saan pinahiram ni Mikael ang kanyang jacket kay Megan dahil nakita niya itong nalalamigan.
Simula niyan ay nagtuloy-tuloy ang pagkakaibigan nila hanggang sa naging magdyowa na nga sila noong 2011.
Dalawang beses ikinasal ang couple noong 2020 – ang una ay nangyari sa Nasugbu, Batangas (Jan. 10) at ang isa naman ay sa Subic, Zambales (Jan. 25).