Lovi Poe lelebel kay Angelina Jolie sa ‘Tomb Raider’; magpapaka-FPJ!
Lovi Poe at Angelina Jolie
SA WAKAS, matutupad na ang ultimate dream ng Kapamilya actress-singer na si Lovi Poe – yan ay ang maging certified action star.
Matagal nang pangarap ni Lovi na makagawa ng maaksyong pelikula at sumunod sa yapak ng kanyang yumaong amang Action King na si Fernando Poe, Jr..
Ibinandera ni Lovi nang nakachikahan namin at ng ilang members ng entertainment media kamakailan, na may gagawin siyang action movie na ididirek ni Richard Somes.
“That’s something I really want to do. I’ve been in the industry for a while and I’ve never really done and action film, an action TV series.
Baka Bet Mo: Arci Muñoz kamukha ni Angelina Jolie sa bagong pictorial; pinusuan ng BTS fans
“So, ito ‘yung magiging really like first ko talaga. So, I’m really looking forward to that. Dream ko talaga ‘yung gumawa ng action film,” ang chika ni Lovi sa mediacon ng upcoming film niyang “Guilty Pleasure” mula sa Regal Entertainment with JM de Guzman and Jameson Blake.
Naloloka nga raw ang aktres dahil teaser pa lang daw ang ginawa nila pero talagang kinarir na ni Direk Richard at ng buong production ang mga maaaksyong eksena.
View this post on Instagram
“My God, teaser pa lang, pagod na pagod ako but in a good way. Kasi I love doing physical activities. So, I remember that I was exhausted but I was happy.
“But ganu’n naman talaga when you’re on set, actually. Our job looks super glamorous but it’s so exhausting,” pahayag pa ni Lovi.
Baka Bet Mo: Jessy siniguro kay Luis na matutupad na ang wish nitong magka-baby: Soon!
Nang matanong kung kakabugin ba niya si Angelina Jolie sa Holywood action film nitong “Tomb Raider”, ay natawa muna si Lovi bago sumagot.
“Oh my God! I wish, ‘di ba? But then, that’s just a dream because, I mean, come on, Angelina is Angelina,” sabi ng award-winning actress.
In fairness, hataw kung hataw ang acting career ngayon ni Lovi hindi lamang sa Pilipinas kundi maging sa international scene.
Dalawang Hollywood films na ang natapos niya at may isa pa siyang ginagawang International film na hindi pa pwedeng ibigay ang mga detalye.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.