Heaven todo puri kay Alden: Sobrang bait, ang galing-galing at sweet
Alden Richards at Heaven Peralejo
TODO papuri ang Viva Artists Agency talent na si Heaven Peralejo sa bago niyang leading man at director sa bago niyang movie na si Alden Richards.
Hinding-hindi raw niya makakalimutan ang naging experience niya working with Alden sa pelikula nilang “Out of Order” produced by Viva Films, Studio Viva at Myriad Entertainment na pag-aari ng Asia’s Multimedia Star.
Sa isang panayam, nagbigay ng update si Heaven tungkol sa “Out of Order,” na siya ring directorial debut ni Alden.
Baka Bet Mo: Zoren ibinuking si Carmina: Nag-aaway kami sa taping, para akong anak niya na kailangang intindihin
“Oo tapos na ‘yung shoot. Ang ganda ng film na ‘yun. Hopefully this year ilalabas,” ang kuwento ng award-winning actress.
Super impressed daw talaga siya sa Kapuso actor hindi lang bilang magaling na aktor kundi isa ring talentadong direktor, kahit pa nga ito ang unang pagtatangka ng binata as a filmmaker.
View this post on Instagram
“Alam niyo sobrang bait. Sobrang bait ni Alden, wala akong masabing iba. And then, ang galing niya kasi he switches from being an actor to director.
“So, like kahit on take 5-4-3-2-1, siya ang nagsasabi nu’n tapos siya rin ang mag-act kasi kausap ko siya kunwari. So, ang galing, ang galing niyang artista and sweet,” lahad ni Heaven sa nasabing interview.
Patuloy na pagbabahagi ng dalaga, “May one time sabi ko, ‘Direk, pa-prutas ka naman.’ Joke-joke lang naman.
Baka Bet Mo: Pokwang nabaitan kay Zeinab Harake: Siya pa talaga nag-remind sa ‘kin to help me with our new vlog
“Parang 20 minutes after, boom, may mga basket of fruits na sa set na binigay rin namin sa mga kasamahan namin,” ang papuri pa niya kay Alden.
Sabi ng aktor sa isang panayam tungkol sa pagiging direktor, “That’s very difficult, to be honest. But it’s a matter of mind conditioning naman, eh.”
“Sometimes ideal pa rin talaga to do one project na isa lang ‘yung task mo. Na if you’re an actor in this film, act ka lang. If you’re the director, you should direct lang.
“But I’m happy with what I’m doing and I’m seeing the result that I wanted for that certain project,” sey ng premyadong Kapuso star.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.