PHOTO: Instagram/@jayda
KAHALAGAHAN ng work ethics at pantay-pantay na respeto sa lahat ng tao.
Ito lamang ang ilan sa mga magagandang payo na tumatak kay Jayda mula sa celebrity parents na sina Jessa Zaragoza at Dingdong Avanzado.
Matapos ang press conference ng singer para sa bagong hugot single na “Right Lover, Wrong Time,” nagkaroon ng pagkakataon ang BANDERA na magkaroon ng exclusive interview at isa ‘yan sa mga naitanong namin.
“Siguro ‘yung the value of respect tsaka ang work ethics pagdating sa craft,” sagot ni Jayda.
Paliwanag niya, “‘Yung sa work ethics side of things, you know, trying to always be on time and value other’s people time…Nandoon na rin ‘yung respect, like, I respect everyone.”
Baka Bet Mo: Jayda bet na bet ang pagiging ‘Pambansang Sad Girl’: I will take that 100%!
“Medyo hot take ‘to eh, kapag sinasabihan ako ng nanay ko na, ‘it’s not that you always have to be kind, you just have to be respectful.’ That’s a tough truth na not everyone necessarily deserves your kindness,” kwento ng singer sa amin.
Dagdag niya, “But of course, I tried to be a good person sa mga taong nakaka-interact ko.”
“Pero I think that the big advice is you show everyone with respect, whether it be a cameraman or someone from your crew or your co-artist or veteran actor, you show the same level of respect,” patuloy niya.
Ani pa ng singer, “And I think, you can’t go wrong with that, with being respectful. Because at the end the day, even if –let’s say hypothetically, ‘yung tao na ‘yun doesn’t show the same respect to you, you’re the bigger person.”
Hindi naman maitatago na all-out support talaga ang parents niya, lalo na pagdating sa kanyang karera sa showbiz.
Kung matatandaan, proud na binanggit ni Jayda na tinulungan siya ng kanyang ama na si Dingdong na isulat sa Tagalog ang bagong single.
“When I finished the demo for the English version, my dad heard the song and when he heard it, he told me, ‘Nak, pag tinagalog mo ‘to, I really think that it could be a really beautiful song.’ So my dad and I worked together and he’s also credited as my co-writer as well for this track,” chika ng singer.
Ang “Right Lover, Wrong Time” ay tungkol sa naranasang heartbreak ni Jayda mula sa kanyang TOTGA o the one that got away.