Miley Cyrus, Pharrell Williams nagsanib-pwersa sa party-party song
PHOTO: Courtesy Sony Music
NAGSAMA sa isang music project ang bigatin at sikat na international singers na sina Miley Cyrus at Pharrell Williams.
Nilabas nila ang dance-pop song na “Doctor (Work It Out).”
Mayroon na rin itong music video na tampok si Miley na nagpe-perform sa isang all-white background at ine-enjoy lang ang kanta.
Baka Bet Mo: Ellen Adarna bet ang katawan ni Miley Cyrus, naghahanap na ng fitness instructor
Ang bagong kanta ay ang ikalawang single ni Pharrell para sa taong ito matapos i-release ang “Good People” kasama ang British rock band na Mumford & Sons.
Samantala, ito naman ang first single ni Miley ngayong 2024.
Matatandaan na ang huling kanta ng award-winning singer ay ang “Used To Be Young” na inilabas noong nakaraang taon.
Sa isang interview, kinumpirma ng dalawang international singer na ang “Doctor (Work It Out” ay unang inilaan bilang bahagi ng 2013 album ni Miley na may titulong “Bangerz.”
“We just believe so much in timing and in everything happening when it’s supposed to. And around the Grammys, Pharrell and I were talking about putting the song out, and it just felt like it was so serendipitous, and there were so many alignments and so many moments that made me know that now was the perfect time,” sey ni Miley sa inilabas na pahayag ng Sony Music.
Kamakailan lang, naiuwi ni Miley ang kauna-unahan niyang Grammy Award kung saan tinanghal siyang “Record of the Year” at “Best Pop Solo Performance” para sa hit single niyang “Flowers.”
Ang “Doctor (Work It Out)” ay mapapakinggan na sa lahat ng digital music platforms via Sony Music Entertainment.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.