Lian Paz, EA Guzman, at Shaira Diaz
NAGPAABOT ng kanyang mensahe ang dating miyembro ng EB Babes na si Lian Paz para sa kanyang mga kaibigang sina EA Guzman at Shaira Diaz.
Ito ay may kaugnayan sa recent announcement ng dalawa ng kanilang engagement na nangyari pa pala noong December 2021.
Sa kanyang Instagram page ay ibinahagi niya ang isang artcard mula sa GMA Network kalakip ang pahayag ni EA sa pagpa-practice nila ng celibacy.
“[F]irst of all, I would like to give my best wishes to my dear friends, @ea_guzman and @shairadiaz_!!! congratulations din and thank you for being a great testimony of love and respect. i love you guys!!! grabe ang love story niyo!” saad ni Lian.
Hinangaan rin ng dating EB Babes member ang istorya nina EA at Shaira na mahigit isang dekada nang magkarelasyon at ngayon nga ay nagpaplano nang magpakasal.
“Praise God! This is so much worth sharing!!!
Finally there is this young couple who is respected in doing the right thing, not mocked by it,” lahad ni Lian.
At dahil nga sa pagbandera ng Kapuso celebrity couples ng kanilang istorya ukol sa paghihintay at pagrespeto sa bawat isa, magandang oportunidad raw ito na i-encourage ang henerasyon ngayon na makita ang “true beauty of love and real bravery.”
Ani Lian, “This values were taken away from us, we were vulnerable to believe that pre marital sex is okay and normal when the truth is this is what is normal. what it should be.
“Jesus died for us, That’s our standard. Real men wait. Real men don’t rush to get a woman’s purity.”
Sey pa ni Lian, kung kilala natin si Hesus at maaga natin Siyang tinanggap, magkakaroon tayo ng “less mistakes”.
“We will see ourselves valuable and loved no matter what.
“But despite the mistakes we’ve done, We are not defined by it. God calls us by our name, not our sins. We can move forward to be better everyday,” sabi pa ni Lian.