Jennica Garcia
MAS feeling “complete” ngayon sa kanyang personal life ang Kapamilya actress at celebrity mom na si Jennica Garcia.
Pang-all-around ang peg ng ginagampanang karakter ni Jennica sa totoong buhay, kabilang na riyan ang pagganap bilang single mom sa dalawa niyang anak.
Pero ayon sa Kapamilya star, sa mga “role” na kanyang ginagawa these days tulad ng pagiging aktres, host, nanay, anak at kapatid, ang pagmamahal sa sarili ay pinaka-ineenjoy niya.
“Ang sarap lang. Parang napansin ko kasi na all my life sobra akong dependent na may magpupuno ng cup ko para sa akin, para masabi ko na puno ako,” lahad ni Jennica sa panayam ng “Magandang Buhay.”
Baka Bet Mo: Jennica Garcia nililigawan nga ba ng isang Korean na nakilala niya sa shooting ng ‘Ma’am Chief’?
Dagdag ng single parent, “Ewan ko, siguro dahil lumaki ako na hiwalay ang parents ko, so sabi ko, ay kailangan ko ng tatay para kumpleto na ako.
“Tapos dumating ako sa point na, ay hindi pa rin ako kumpleto, kailangan ko ng asawa. Kapag may asawa na ako kumpleto na ako.
“Tapos noong nag-asawa ako sabi ko, parang may kulang, parang anak. Tapos dumating na ‘yung dalawang anak ko pero pakiramdam ko ay parang mayroon pa ring kulang na hindi ko ma-pinpoint kung ano exactly,” paliwanag ng estranged wife ng aktor na si Alwyn Uytingco.
At pagkatapos nga niyang pagdaanan ang matitinding pagsubok sa kanyang buhay, “Natutunan ko na po kung paano tumayo mag-isa.
“Doon ko na-realize na kailangan pala mahal ko ang sarili ko para mayroon akong pagmamahal na kaya kong ibigay,” ani Jennica.
Nagpapasalamat ang anak ni Jean Garcia sa lahat ng magagandang opportunities na ibinigay sa kanya ng ABS-CBN. Dahil dito, muling nabuhay ang kanyang acting career na matagal nang natutulog.
Nagmarka si Jennica sa kanyang challenging role sa Kapamilya series na “Dirty Linen” na nagtapos noong August, 2023. Nakasama niya rito sina Janine Gutierrez, Zanjoe Marudo at ang BFF na niya ngayon na si Christian Bables.